Lìngua Sarda Campidanu de Mesu
Provìntzia de su Campidanu de Mesu
Cabudanni 2026
Comunu de Giauni: De su 5 de Donniasantu de su 2019 fintzas a su 26 de Maju de su 2020 est torra in servítziu s'Ufítziu de Língua Sarda.
Comunu de Mara Arbarei: De su 5 de Donniasantu 2019 fintzas a su 24 de Martzu 2020 est torra in servítziu s'Ufítziu de Língua Sarda.
Comunu de Serrenti: Sighint is atóbius … su Grupu de Letura “Il Sentiero dei Libri” si reunit una borta a su mesi in is aposentus de sa Biblioteca Comunali. S’atóbiu avatanti si fait su 6 de Donniasantu 2019 in Biblioteca, a is cuatru de a merí (16,00), in su Tzentru Polivalenti de bia Fara. Chini bolit fai parti de su grupu ddu podit fai in calisisiat momentu, podit detzídiri puru de mancai a unus cantu atóbius e torrai a abbitai apustis cunformas a su prexeri e a s’abbisóngiu de donniunu. Su líbburu po su mesi de Meseladàmini 2019 est “La parte migliore” de Christian Raimo.
Comunu de Serramanna: Su 6 de Donniasantu 2019 ddoi at un’atóbiu po sa presentatzioni de su Cumplementu de programmatzioni de su “GAL Campidano” e de is bandus chi si depint fai de immui a pagu
Comunu de Santu Idu: Su Comunu de Santu Idu, bolit arregolli is manifestatzionis de interessamentu po s’organizatzioni de su progetu “Percorsi d’Acqua”, chi previdit in línia de màssima s’imprenta de unu libbureddu informativu cun sa planimetria de is arrius e s’apicadura de targas in is funtanas púbricas chi s’agatant in su territóriu comunali.
Comunu de U Pàize: Su 4 de Donniasantu 2019 in Pratza Pegli nc'est sa tzirimónia po arregordai totus is chi funt mortus in guerra.
Comunu de Santu Antiogu: "Aspettando il Natale, incontriamoci al Parco!", una série de propostas dedicadas a is pipius (e non scéti) chi si faint is domínigus de Donniasantu in su Parcu Giardinu de Santu Antiogu.
Comunu de Santu Antiogu: Is atoris Diego Coscia e Elisa Pistis portant in scena sàbudu 2 de Donniasantu, a is ses de a merí (18,00), in sa Sala de su Consillu de su Comunu de Santu Antiogu, su spetàculu "A tavola con i Diavoli Rossi", una letura teatrali chi riguardat un'aspetu spantosu, umanu meda, a bortas trascurau o cunsiderau de pagu importàntzia in sa Grandu Guerra: sa cosa de papai.