Comunu de Biddacidru: Su Círculu Literàriu Joyce Lussu tenit su prexu de Si cumbidai a sa presentada de su líbburu "Adesso posso scegliere" de sa giornalista Nadia Angelucci chi si fait gióbia 31 de Meseladàmini 2019, a is cincu de a merí (17,00)  in sa Mediateca Comunali "Fabrizio De Andrè" , in bia Parrocchia 190.Intervenint: Nadia Angelucci, autora de su líbburu e sa Dot.ra Alessia Etzi.

Comunu de Gùspini: Sa rassínnia si fait de gióbia 31 de Meseladàmini  fintzas a su 5 de Meseidas 2019. Ocannu sa rassínnia “Autunno d’Autore” est dedicada a chi, de custus tempus, arresistit a su bentu cuntràriu, a chini caminat “In diretzioni ostinata e contraria” .

Comunu de Scalepranu: Duas is dís de festa po "Sa Passillada": 31 de Meseladàmini e 1 de donniasantu 2019.

Comunu de Santu Antiogu:  Gióbia 31 de Meseladàmini 2019, Santu Antiogu afestat sa noti de “Su beni po s’ànima”  Sulkiween.

Comunu de Igrèsias: S’Amministratzioni Comunali de sa tzitadi de Igrèsias imparis cun “Amico Libro” e “Le Lune” presentant su líbburu de Maria Teresa Casu: “Passava in bicicletta sotto la mia finestra”.

Comunu de Seui: S'editzioni noba de sa festa de "su Prugadóriu" ocannu dda faint de gióbia 31 de Meseladàmini a domínigu 3 de Donniasantu 2019. Apustis de s'acunsentimentu de is  22 editzionis passadas torrat "Su Prugadóriu" in su tzentru stóricu eciseri de Seui,  po torrai a scoberri costumàntzias, mestieris antigus, saboris e nuscus de is prodotus  localis. 

Comunu de Biddesorris: Su Comunu de Biddesoris fait sciri a is tzitadinus chi de su 28 de Meseladàmini 2019 fintzas a su 27 de Abrili 2020  est ativu s'Ufítziu de Língua Sarda.

Comunu de Biddesatu: Si fait sciri a totus is famíllias de is piciocheddas e de is piciocheddus chi tenint intra de is 12 ( o chi abbitant sa primu média) e is 19 annus chi funt abertas is iscritzionis a su progetu "Conoscer_Si!"