Comunu de Gùspini: Sàbudu 25 e domínigu 26 de Maju 2019 nc'est su "Sa de 11 Giornadas de is Minieras" organizada de Ispra, Aipa, Anim, Assominiera e G&T cun s'agiudu de su Consillu Natzionali de is Giólogus e de is Servítzius Giológicus Europeus.

Comunu de Gùspini: Su Comunu de Gùspini organizat un’atóbiu cun is studiantis de sa scola elementari chi, su 24 de Maju a mengianu, andant a is giardinus púbricus po ddus cambiai in unu laboratóriu a celu abertu.

Comunu de Carbònia: Su 22 de Maju 2019 nc'est sa cunferéntzia po is giornali po presentai  sa de 13 editzionis de: "Il Sulcis Iglesiente Espone" chi si fait sàbudu 25 e domínigu 26 de Maju. Su tzentru stóricu de sa bidda stràngia  giai 300 esposidoris.

Comunu de Igrèsias: Cenàbara 22 de Maju 2019, in su "pozzo sella", localidadi Monteponi, Igrèsias si arexonat de torrai a cualificai su logu e prumovi su turismu in custu logu mineràriu.

Comunu de Gùspini: Su " 2° Rally de su Parcu Geomineràriu de sa Sardigna si fait su 18 e su 19 de Maju 2019.Sa prova "Gùspini-Montibéciu" ocannu est prus longa de su passau de 2,600 km. Noba, intamis, sa prova de "Cortes" cun unu camminu mistu-lestru, chi partit de is peis de sa bidda de Arbus e acabbat  acanta de sa parténtzia de sa prova de "Arbus" chi est cunfirmada de unu totu e chi est allonghiada de àterus 450 metrus.Is tres provas tocat a ddas arrepiti tres bortas, in totu 9 (noi)  provas cronometradas po 61,65 Km, a fronti de totu su camminu chi ndi mesurat 141,14.

Comunu de Pabillonis:  Ocannu puru in su Comunu de Pabillonis si fait sa manifestada culturali "Monumenti Aperti" chi donat sa possibbilidadi de connosci is logus de importu stóricu e is monumentus de sa bidda. S'acontéssiu si fait sàbudu 18 de Maju e domínigu 19 de Maju.

Comunu de Igrèsias: Sàbudu 18 de Maju 2019, in su Tzentru Culturali "Sala Rossa, inn bia Grazia Deledda, nc'est sa presentada de su líbburu." Il pane dal medioevo al '900" de Celestina Sanna.

Comunu de Biddacidru:  Sa Fundatzioni "Giuseppe Dessì" e su Comunu de Biddacidru, in su cuntestu de sa rassínnia "Maju Literàriu 2019", organizat sa presentada de su líbburu: "Su Sardu Standard. Il Sardo Standard". Sa presentada est sàbudu 18 de Maju 2019, a is ses de a merí (18,00), in sa Domu de su Generali (Casa Dessì), in bia Roma 65, in Biddacidru.