Comunu de Carbònia: Sàbudu 13 de Abrili 2019, in su Teatru Tzentrali nc'est su de dexi e úrtimu atóbiu de sa rassínnia de prosa e de dantza curada de su Cedac . In scena su spetàculu "Tre sull'altalena".

Comunu de Pauli Gerrei: Cenàbara 12 de Abrili, a is duas e mesu (14,30) in su Tzentru Polifuntzionali de Pauli Gerrei, in bia Pertini,  nc'est sa presentada de  is arresurtaus de su progetu "Sa Biblioteca de s'Identidadi", organizau de is Amministratzionis Comunalis de Ballau e de Pauli Gerrei.

Comunu de Carbònia: Cenàbara 12 de Abrili in sa Biblioteca Comunali de viali Arsia, ddoi at un'atóbiu nou cun sa rassínnia "Carbonia Scrive".Nc'est sa presentada de su líbburu intitulau "Come un avvoltoio" de Giulio Nonnis.

Comunu de Biddesatu: Sa Ludoteca Comunali organizat, po su 18 de Abrili, "Bessida in sa natura". Is pipius e is piciocheddus chi abbitant sa scola elementari e sa scola média, acumpangiaus de is educadoris, bisitant sa sienda agrícola de Consuelo Casu a is peis de su Monti Arcosu. Is iscritzionis scadint su 11 de Abrili 2019.

Comunu de Sàrdara: De gióbia 11 de Abrili 2019, sa coperativa "Koinos" cun sa "Fondazione con il Sud" progetu "I care" presentant in Sàrdara unu logu po pipius ( de 0 a is 5 annus), po babbus e mammas e po ajajus ma puru po is chi funt acanta de bessiri babbus o mammas e si bolint cunfrontai o bolint cumpartziri s'esperiéntzia cosa insoru.

Comunu de Nuràminis: Gióbia 11 de Abrili 2019, a is ses de a merí (18,00), in su Montigranàticu béciu (Ammassu de su trigu), sighit su tziclu de presentadas e ghia a s'ascurtu de is òperas chi funt in programma in su Teatru Líricu de Casteddu: "I love Opera".

Comunu de Patiolla: Su Comunu de Patiolla e su Tzentru de Agregatzioni Sotziali ant organizau unu labboratóriu creativu : "Paperi, argidda e pantasia" po is pipius de 3-5 annus e po cussus de 6-10 annus. Is iscritzionis scadint su11 de Abrili.

Comunu de Patiolla: Cenàbara 5 de Abrili 2019, in su Tzentru de Agregatzioni Sotziali “Su Cuccureddu”, a is tres e mesu de a merí (15,30), un’atóbiu dedicau a is famíllias, po  fueddai de is fillus in sa separatzioni. Sa reladora est sa Dot.ra Giuseppina Ballicu