Comunu de Ussaramanna: Sa Províntzia de su Sud Sardigna imparis cun su Comunu de Ussaramanna at organizau unu Cursu de Língua Sarda de II livellu. Su cursu est in donu. Funt abertas is iscritzionis.

Comunu de Carbònia: Totus is domínigus de su mesi de Abrili 2019 (7, 14, 21, 28),  su lunis de Pasca Manna (22 de Abrili) e  s'Anniversàriu de sa Libberatzioni de s'Itàlia (25 de Abrili) su Nuraxi Sirai de Carbònia est abertu a su púbricu.

Comunu de Igrèsias: Su "Moto Club Iglesias Racing" imparis cun s'Amministratzioni Comunali de Igrèsias, Assessorau a su Sport, su 7 de Abrili, presentant sa manifestada sportiva: "Trofeo delle Miniere",  sa de 2 Provas de Campionau Sardu de Enduru.

Comunu de Carbònia: Cenàbara 5 de Abrili, a is noioras mancu cuartu de a noti (20,45), su Teatru Tzentrali de Pratza Roma stràngiat su de 9 atóbius de sa rassínnia de prosa e dantza, curada de su Cedac chi proponit su spetàculu spassiosu "Le verità di Bakersfield". In scena Marina Massironi e Roberto Citran.

Comunu de Carbònia: Cenàbara 5 de Abrili, a is cincu de a merí (17,00), in is aposentus de sa Sotziedadi Umantitària, ddoi at un'atóbiu nou cun sa rassínnia "Carbonia Scrive" po sa presentada de su líbburu " dall'Enel alla Carbosulcis" de Carlo Panio.

Comunu de Serramanna: Sàbudu 6 de Abrili 2019, a is ses e mesu de a merí (18,30), in su Montigranàticu béciu (ammassu de su trigu), s'assótziu culturali "Il Pungolo", presentat  su líbburu de Emilio Ortu Lieto asuba de is pinturas decorativas in is domus de làrdiri: "Pitture decorative nelle case di terra cruda in Sardegna".

Comunu de Igrèsias: S'Artzicunfraria de sa Vírgini de sa Piedadi de su Monti Santu, in ocasioni de is manifestadas de sterrida a sa Cida Santa 2019 cun s'agiudu de s'Amministratzioni Comunali de Igrèsias, su 6 e su 7 de abrili 2019, presentat sa de 4 manifestadas "Guitar Festival 2019 - Igrèsias".

Comunu de Gùspini: Est inghitzada sa “Cassa a is allenus” in is scolas guspinesas. Cassa a is allenus difatis est su nómini de su progetu de educatzioni ambientali asuba de is arratzas  de matas e de animalis invasivas (chi ndi prenint totu) allenas (originàrias de àterus logus), prumóviu de s’Amministratzioni Comunali de Gùspini po s’annu scolàsticu 2018/2019, gràtzias a s’agiudu de s’Universidadi de Casteddu.