Comunu de Serramanna: S’Assótziu Culturali Jamal Memorial paris cun su Comunu de Serramanna presentat sa de 7 editzionis de su Jamal Memorial, chi si fait su 15 e 16 de Meseargiolas 2023 in su Parcu Comunali de Serramanna.

Comunu de Sinnia:  Sa presentada de su libru de Elio Dessì, “Sa Kuspidesa” Susil Edizioni, dd’at apariciada s’Assessorau a sa Cultura de su Comunu de Sìnnia paris cun s’Assótziu Culturali Grazia Deledda de Gùspini, e si fait sàbudu su 15 de Meseargiolas, a is 6 e mesu de a merii (18,30), in sa Biblioteca Comunali de Sìnnia. 

Comunu de Biddesatu: Su Grupu Folk San Cristoforo de Biddesatu organizat “Su Cròciu Antigu”, sàbudu su 22 de Meseargiolas 2023.

Comunu de Gùspini: Si fait su 25 de Meseargiolas, in is aposentus de s'IIS Volta, unu cunvegnu apitzus de s’arrolu de is tzitadinus in relata a is Comunidadis Energéticas Rennovàbbilis. Su Cunvegnu dd’organizat s’Assessorau a is Políticas Energéticas e Annoamentu de su Comunu de Gùspini, precisamenti s’Assessori Marcello Fanari, paris cun s’Assessorau Regionali de s’Indústria e s’Universidadi de Casteddu.

Comunu de Silius: Su Comunu de Silius fait sciri ca su Sportellu Língua Sarda "Suia" de s'Unioni de is Comunus de su Gerrei organizat s’atóbiu "Sonus Antigus" in is aposentus de sa Biblioteca comunali "Egidio Porru" mércuris su 05 de Meseargiolas 2023 de is 9 oras e mesu de a mengianu.

Comunu de Santu Sparau: Su Comunu de Santu Sparau, Assessorau a sa Púbblica Istrutzioni e Assessorau a sa Viabbilidadi, paris cun s’Unioni de is Comunus de su Campidanu de Bàsciu presentant “Carreralonga, l’educazione si fa strada”.

Comunu de Gùspini: Si fait in is campetus de is giardinus púbblicus su Torneu de Basket 3 vs 3 Street Fest, de su 19 a su 22 de Meseargiolas 2023.Podint partetzipai unu màssimu de 12 scuadras e is partidas si giogant de is 8 a is 10 e mesu de a merii (20.00 - 22.30).Po si iscriri tocat a tzerrriai a Davide a su númeru 3880531533.

Comunu de Santu Sparau: In ocasioni de sa de 61 Sagras de su Préssiu s'agentzia LAORE Sardigna e s'Amministratzioni comunali cumbidant a totus a partetzipai domínigu su 16 de Meseargiolas 2023 a is 6 mancu cuartu de a merii (17.45) in sa Crésia de Santu Giuanni Batista a sa presentada de su libru “Frutta, salute e consumo consapevole”.