Comunu de Serrenti : Su 22 de Martzu 2019, a is ses de a merí (18,00), in su Maceddu béciu (ExMa) in bia Nazionale 280, nc’est s’atóbiu informativu “Campanedda, cómpitus e smurzu: su tempus de sa scola elementari”, relatat Dot. Lorenzo Braina.

Comunu de Serramanna: Cenàbara 22 de Martzu, a is cincu de a merí (17,00), in sa Biblioteca Comunali , nc'est sa presentada de su líbburu de Mauro Perra: "Alla mensa dei nuragici".

Comunu de Gùspini:S'Assessorau a is Servítzius Sotzialis de su Comunu de Gùspini organizat, imparis cun sa "Cooperativa Laurus" chi gestiscit su Tzentru de Agregatzioni Sotziali, duus labboratórius dedicaus a is piciocheddus intra de is 11 e is 17 annus: Labboratóriu de su tzircu e Labboratóriu de pintadura scenogràfica de sa pessoni

Comunu de Silius: Su Comunu de Silius cumbidat a pigai parti a s'atóbiu asuba de su bullismu,condúsiu de Dot. Lorenzo Braina,  chi ddoi at su 25 de martzu 2019.

Comunu de Seddori: Sa Províntzia de su Sud Sardigna imparis cun su Comunu de Sanluri at organizau unu Cursu de Língua Sarda de alfabbetizadura. Su cursu est in donu. Funt abertas is iscritzionis.

Comunu de Gùspini : Su 21 de Martzu 2019, in sa Sala de su Consillu de Gùspini, a is cincu e mesu de a merí (17,30) nc'est un'atóbiu , organizau de s'assótziu "XConoscereXfare", po fueddai de sa depressioni.

Comunu de Lunamatrona : Su Comunu de Lunamatrona organizat labboratórius artísticus e de ammanuncadura po antzianus. Is domandas scadint a sa una de su 21 de Martzu 2019.

Comunu de Gomajori:  In Gomajori ddoi at unu Cursu de archeologia asuba de sa Civilidadi Nuràgica.