Comunu de Gùspini: Ddoi at tempus fintzas a su 21 de Martzu 2019 po presentai sa candidadura po pigai parti a sa Consulta po s’avaloramentu de sa cultura e de sa língua sarda.

Comunu de Serramanna: Su 20 de Martzu 2019, in is aposentus de s'Informagióvunus, a is cuatru e mesu de a merí (16,30), su Gal Campidanu organizat s'atóbiu: "Su Gal Campidanu si presentat, oportunidadis in su territóriu po is gióvunus e is impresas".

Comunu de Serramanna: Martis 19 de Martzu nc'est su de 2 atóbius asuba de "Is disturbus spetzíficus de s'aprendimentu (DSA)- Sintomus, acóstius, risorsas e pianus" .

Comunu de Santu Antiogu: Su "Centro di Educazione Ambientale e alla Sostenibilità CEAS" fait unu scioberu po sa circa de gióvunus creativus po cumpriri una parti de su progetu "Una vita vista mare". 

A sa figura professionali scioberada si proponit unu cuntratu de collabboratzioni chi previdit una summa de € 1200 inclúdiu totus is óneris.

Tocat a presentai sa domanda de partitzipatzioni e sa documentatzioni aintru e non prus a tradu de sa una (13,00) de su 22 de Martzu 2019.

Comunu de Pabillonis: Si fait sciri chi s'Amministratzioni Comunali, cun sa tarea de avalorai su patrimóniu culturali e patrimoniali de su territóriu, at acunsentiu a su tzircúitu natzionali "Monumenti Aperti" po su 2019, programmendi sa manifestada po su 18 e 19 de Maju.Duncas s'Amministratzioni cumbidat  a is operadoris económicus localis a pigai parti a sa manifestada.

Comunu de Pauli Arbarei: Si fait sciri chi sàbudu 16 de Martzu 2019 in su Museu de Fémmina de Pauli Arbarei nc'est s'inauguratzioni de is ammustas provisórias: "Giogus Antigus" e "Camiseddas biancas. Addia de s'otu de Martzu".

Comunu de Igrèsias: Sàbudu 16 de Martzu, de is noioras e mesu de a mengianu fintzas a sa una (9,30 - 13,00) in sa sala "Remo Branca" in su Palàtziu Tzívicu, pratza Municipio 1, in Igrèsias, s'Assótziu Parkinson Igresienti (Meurreddia) organizat su de 2 atóbius asuba de s'argumentu: "Cali terapia a parti sa mexina?".

Comunu de Biddanoa de Forru: In su Comunu de Biddanoa de Forru ant aprovau una motzioni apitzus de su bilinguismu po aberri su Consillu Comunali in sardu e fai sa tradutzioni de is delibberas de Giunta e de Consillu.