Comunu de Biddacidru: Presentada de is líbburus Su Printzipeddu e Arregulas po ortografia, fonètica, morfologia e fueddàriu de sa NormaCampidanesa de sa Lìngua Sarda. Gióbia 15 de Donniasantu 2018 a is cincu e mesu de a merí (h.17,00) in su Caffe Letterario, in Pratza Zampillo in Biddacidru.

Comunu de Biddanoa de Forru: Cenabara su 9 de donniasanti 2018  a is tre in sa biblioteca comunali de Biddanoa de Forru ddoi at a essi su Professori Mario Puddu chi s at a fai unu cursu de Lìngua Sarda.

Comunu de Pabillonis: In ocasioni de sa dí de s’Unidadi Natzionali e de is centus annus de s’acabbu de sa Primu Guerra Mundiali, si cumbidat sa tzitadinàntzia a pigai parti a su programma de afestus chi inghitzat cenàbara 2 de Donniasantu e acabbat domínigu 4 de Donniasantu.

Comunu de Gùspini: Apustis de Sergio Atzeni, Antonio Gramsci e Grazia Deledda, cust’annu sa manifestada culturali “Autunno d’Autore” est dedicada a Joyce Lussu.  S’arressigna, si fait in su Comunu de Gùspini de su 26 de Meseladàmini fintzas a su 30 de Donniasantu 2018.

Comunu de Gùspini: Su 21 de Meseladàmini 2018, in su cuntestu de su “Festival” de sa Literadura po pipius “BaB -Bimbi a Bordo” nc’est sa passillada “Sentieri - - Narrazioni lungo i percorsi minerari” (Moris – Contus in is camminus mineràrius) cun sa teatralizatzioni a incuru de sa “Filodrammatica Guspinese”.

Comunu de Pabillonis: Su Comunu de Pabillonis pigat parti a su festival de literadura po piciocheddus “Tuttestorie”. Is atóbius cun is autoris si faint in is Scolas de s’Infàntzia e in is Elementaris in dís chi sighint: 4, 8 de Meseladàmini 2018 e interessant totus is studiantis e is insenniantis.

Comunu de Pabillonis: Si fait sciri a is tzitadinus interessaus chi est sémpiri ativa, in sa Biblioteca Comunali de Pabillonis, sa proposta culturali “L’Ora del Racconto” chi interessat totus is pipius de sa scola elementari e de sa scola de s’infàntzia.

Comunu de Gùspini: Fintzas in otóngiu is atividadis de animatzioni a sa letura "L'ora del racconto". Is atividadis cumentzant in su mesi de cabudanni e acabbant in su meseidas.