Comunu de Nuràminis:  S’Amministratzioni Comunali de Nuràminis fait sciri ca est perlongada sa scadéntzia po si iscriri a partecipai a sa gita apariciada po is residentis in su Comunu de Nuràminis chi tengant assumancu 60 annus fatus e chi siant autosuficentis in totu.  

Comunu de Teulada: Sa biblioteca comunali de Teulada aparíciat po su mesi de cabudanni sa rassénnia ca si narat “Scritoras sardas in centru: arregordendu is 150 annus de sa nàscida de Grazia Deledda”. In su giardinu de sa domu baronali  su 3, 10 24 de Cabudanni. 

Comunu de Gùspini: Fonti: "Cagliari Pad":    S’argumentu de sa de dexi editzionis “In leggerezza, con profondità” at fatu lompi is organizadoris a pentzai de ponni fintzas is artistas de strada in su programma e in is labboratórius po piciocheddus e po mannus. Su fueddu scerau e scritu in su bus chi is piciocheddus ant colorau, in ocasioni de sa de dexi editzionis de su “Festival Bimbi a bordo”, est “pauroso” . 

Comunu de Pabillonis: Est arribbada sa segunda editzioni de Orbescidroxu 2022 - Festival Culturali Pabillonis
Músicas, líbburus e contus de sa genti pabillonesa e de is amigus strangius. Otu diis de festa e de cultura po si spassiai e arrexonai totus impari.

Províntzia de su Sud Sardigna e Comunu de Biddanoa de Forru: Su Comunu de Biddanoa de Forru e sa Pro Loco, in collabboratzioni cun S'Ufítziu de Língua Sarda de sa Províntzia de su Sud Sardigna, faint sciri a is tzitadinas e a is tzitadinus  chi in su cuntestu de sa festa "Simbua frita cun satitzu" est stétiu organizau su labboratóriu culturali in Língua Sarda "Is Puponis" po is pipius de is 6 fintzas a is 10 annus. Is iscritzionis si arritzint in su Museu “Genna Maria” e scadint su 9 de Cabudanni 2022. Su labboratóriu est a indonu.

Comunu de Biddanoa de Forru: Cun s’agiudu de su kamishibai, su teatrinu giaponesu, s’ant a contai contus de totu su mundu in língua sarda. Is dis ant a èssiri su 09, su 16 e su 30 de austu a is oras 11.30 in sa biblioteca comunali. Po andai tocat a si prenotai prenendu su módulu alliongiau e portendiddu in sa biblioteca o mandendiddu a sa mail ufitziuls@gmail.com. Is iscritzionis serrant s’08 de austu.

Comunu de Mara Arbarei: S’ufítziu de sa língua sarda de sa Províntzia de su Sud Sardigna, sedi de Mara Arbarei, organizat tres atóbius po is pipius de is scolas primàrias. Cun s’agiudu de su kamishibai, su teatrinu giaponesu, s’ant a contai contus de totu su mundu in língua sarda. Is dis ant a èssiri su 09, su 16 e su 30 de austu a is oras 9.30 in sa biblioteca comunali. Is iscritzionis serrant s’08 de austu. Is atóbius funt a indonu.

Comunu de Biddanoa de Forru: Cenàbura 12 de austu 2022 in sa location spantosa de su nuraxi Genna Maria a is oras 21.30 ci at a èssiri su cuncertu ca si narat “SARDA ARUNDO DONAX - launeddas, ance, elettronica, audio/videoart”. A s’eventu, nàsciu de un’idea de Mario Frezzato, s’ant a pòdiri ascurtai músicas de: Claudia Mura, Manuele Bruno, Matteo Atzori, Ignazio Origa, Elia Perinu, Domenico Lavena, Alberto Locci, Michele Angius, Alessio Gibroni, Marcello Calabrò, Andrea Balia, Andrè Lorenzatti e Andrea Deidda.