Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi su 7 de Làmparas 2022 h. 16:45 inghitzat su labboratóriu didàticu in Língua Sarda: "Tallaus e coseus". Non podint partitzipai prus de 30 personas ( de is 12 annus in susu). Is iscritzionis scadint a sa  una (h. 13:00) su 6 de Làmparas 2022. Su labboratórius est a indonu.

Comunu de Seddori: Librus, costruidoris de paxi e solidariedadi: est custu s’argumentu de sa de VI editzioni de Seddori Ligit in programma de s’ùrtima cida de maju a su 24 de làmpadas 2022. Ocannu mudat sa fòrmula: tres diis de sighida cun duus scritoris a merì in sa pratza aintru de su Casteddu. Su calendàriu literàriu est arricu de scritoris natzionalis e regionalis chi ant bèndiu librus medas.

Comunu de Pabillonis: In is diis de sa manifestatzioni “Monumenti Aperti 2022 su Sistema Bibliotecario Monte Linas  ” e s’Ufítziu de Língua Sarda de sa Províntzia de su Sud Sardigna aparíciant s’amosta temporànea “Ajò! Giogaus impari. Alla riscoperta delle tradizioni ludiche sarde”.

Comunu de Biddacidru: Su Sistema Bibliotecàriu "Monti Linas" imparis cun s'Ufítziu de Língua Sarda de sa Províntzia de su Sud Sardigna ant organizau s'atóbiu: "Il cibo nel periodo nuràgico" chi si fait sàbudu 28 de Maju 2022 h. 17.30 (cincu e mesu de a merí) in sa Mediateca Comunali "F. De Andrè"– Tzentru @ll in, bia Parrocchia 190, Biddacidru.

Comunu de Serrenti: Su Grupu de letura “Il sentiero dei libri” at scerau su libru po su mesi de maju 2022 “Di chi è colpa” de Alessandro Piperno.S’atòbiu de su Grupu de letura po su mesi de Maju s’at a fai su 1° de Làmparas 2022 in sa Biblioteca Comunale a is cuatru de a merì. 

Comunu de Aristanis: Fonti: "La Gazzetta del Medio Campidano": Sàbudu su 21 de maju a is cincu e unu cuartu de a merì (17,15), s’Assòtziu Culturali Palazzo d’Inverno presentat in sa sea noa cosa sua “Tzentru de Produtzioni Culturali Move The Box” in Bia Indipendenza 1, in Villa Verde (Aristanis), s’atòbiu “A merenda con lo spettacolo di giocoleria Stravanato Sciò- Murzu cun su spetàculu de giogus Stravanato Sciò” cun Simone Orrù. Unu merì pensau po is pipius e is famìlias.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 18 de Maju 2022, ddoi est s'úrtimu de is dexi labboratórius didàticus culturalis in Língua Sarda de “Mércuris in su Tzínema” : " Tempus de baristas". Su labboratóriu est a indonu.

Comunu de Tharros: Est cussu de Ludovico Einaudi su primu nòmini fatu po sa pròssima editzioni de su festival Dromos, intra is atòbius prus importantis de s’istadi in Sardigna, chi s’at a fai in sa Provìntzia de Aristanis, cumenti acostumat, intra s’acabbu de mesi de argiolas e sa primu mitadi de austu cun d-unu programma arricu de cuncertus, mustras, presentatzionis editorialis, manifestatzionis de cosa de papai in totu su territòriu.