Comunu de Gùspini: Pustis de duus annus chi funt mancaus is acontéssius in preséntzia torrant is tzelebratzionis de su 25 de Abrili cun unas cantu initziativas culturalis e sportivas.

Comunu de Ussaramanna: Su sportellu Informaorienta e sa biblioteca de Soramanna aparíciant, in ocasioni de “Sa Die de sa Sardigna” s’eventu “Féminas de Sardigna”. Gióbia 28 de abrili a is oras de is 18.00 in sa biblioteca comunali.

Comunu de Gùspini: Su 22 de abrili a is 4 e mesu de a merii (16,30) in sa sala de su Gal Pratza Mercato in Gúspini, si chistionat de sa necessidadi de connosci a marolla totus is normas (legislatzioni, atzessu a su créditu, pianu de impresa) innantis de cumentzai un’atividadi in própiu. S'atóbiu cun su títulu "Conoscere per intraprendere" est stichiu in su tzíclu de seminàrius apariciaus de sa Commissioni Paris Oportunidadis de su Comunu de Gúspini, po sensibilizai a sa Cultura de impresa e a su svilupu sótziu-económicu de su territóriu locali.

Comunu de Serrenti: Fonti: "La Gazzetta del Medio Campidano": Unu prexu mannu meda e festa sentida. Aici intra is 80 milla giòvunus e animadoris de is oratòrius at pigau parti puru una delegatzioni de piciocus e animadoris de s’oratòriu de Serrenti, cun sa ghia de don Alberto Peddis, de Seddori e de atras biddas.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 20 de Abrili 2022, ddoi est su de 7 de is dexi labboratórius didàticus culturalis in Língua Sarda de “Mércuris in su Tzínema” : " Banditi a Orgosolo". Su labboratóriu est a indonu.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 27 de Abrili 2022 in su Palàtziu de s'Obispu, bia Vitorio Emanuele n. 15, Biddacidru ddoi est su  labboratóriu didàticu-musicali in Língua Sarda de "Una besti noba po sa música sarda" cun sa cantanti Manuela Mameli. Su labboratóriu est organizau cun sa collabboratzioni de “Associazione Centro Culturale e di Alta Formazione APS “.  Su labboratóriu est a indonu.

Comunu de Serrenti: Presentada  de "Abrili in Serrenti " su programma dd'at apariciau su Comunu de Serrenti in collabboratzioni cun Avis, Pro Loco, Tzitadi de su Làdiri, Comitau de Santu Jacu, Biblioteca comunali.

Comunu de Pabillonis: Funt giai incumentzaus is aprontamentus po sa rapresentatzioni sacra de Su Scravamentu chi si fait Cenàbara Santu (su 15 de abrili). Bogaus de is cascionis is bistiris de scena antigus, is atoris, coordinaus de su predi don Luca Pittau, si funt atobiaus in sa crésia parrochiali po fai is provas de Su Scravamentu. Su scravamentu de Gesucristu de sa cruxi est una traditzioni meda importanti po sa bidda e su Cenàbara Santu funt medas is fidelis chi a mericeddu trigadiu, citius citius, càstiant cumóvius cust’arrapresentatzioni sacra .