Comunu de Biddaspitziosa: Sa Pro Loco de Biddaspitziosa apariciat po domínigu 3 de abrili una passillada ecológica a Santu Cromàtziu e una gara non competitiva cun vísitas ghiadas a sa scoberta de su territóriu de sa bidda. A is 8.30 s’atóbiu de is chi partécipant in su parcu de su situ archeológicu de Santu Cromàtziu.

Comunu de Turri: Su comunu de Turri, po médiu de sa pàgina Facebook cosa sua, fait sciri ca domínigu 3 de abrili s’at a fai sa manifestatzioni “Bias de su tzafananu de Sardigna DOP” ca in su mesi de donniasantu, po arrexonis de saludi púbblica, non s’est pótzia apariciai.

Comunu de Teulada: Su comunu de Teulada est apariciendu unu servítziu nou ca s’acostumat a fai oi in unas cantu biddas de sa Sardigna: su book sharing. Ita est? Est s’arti de scambiai is líburus cosa nostra cun amigus, ma puru e pruscatotu cun genti ca non si connoscit. Piga unu líburu ca ti interessat e in càmbiu lassandi unu cosa tua ca non ligis prus…. Dd’at a fai calincunu àteru!

Comunu de Gùspini: Gióbia su 7 de Abrili a is 5 mancu cuartu (16:45), in sa biblioteca Comunali "Sergio Atzeni" s’at a fai su labboratóriu po pipius"Natura - Officina Timbri". Unu labboratóriu innui donniunu at a fai is timbrus suus personalizaus de imperai cumenti a basi de pinturas artísticas. A su labboratóriu podint partecipai unu màssimu de 20 pipius chi si podint iscriri imbiendi una e-mail a s’indiritzu biblioguspini@bibliotechelinas.it opuru podint telefunai a su n. 070 9760602

Comunu de Biddaspitziosa: Sa biblioteca de Biddaspitziosa at apariciau, a incarrerai de su 25 de martzu e fintzas a su 10 de abrili, s’atividadi “Consillamí unu líburu”. Si podint mandai a sa biblioteca su títulu o sa cobertina de unu líburu ca sa biblioteca non tenit e si iat a bòlliri invécias agatai a dispositzioni me is scafalis. 

Comunu de Serramanna: Fonti: "La Gazzetta del Medio Campidano": Torrant a cantai innantis a sa genti a pustis de mesis de assèntzia is corus de s’Assòtziu Kairós de Serramanna. Su primu atòbiu, in programma po su 25 de martzu a is otu de a merì, in sa crèsia de sa Virgini Biada in Samassi, ddoi ant a essi is piciocus de s’ensemble Kororā.Su 2 de abrili a is otu de  a merì ant a cantai is mannus de su coru Kairós, in sa Crèsia de Sant’Ignàtziu in Serramanna cun su cuncertu de Pasca Manna “Ad lucem”. 

Comunu de Pabillonis: Su Comunu de Pabillonis e su Sistema Bibliotecàriu “Monte Linas” presentant su libbru “Giornata Avara” de Michele Atzori, in sa Biblioteca Comunali de Pabillonis cenàbara su 25 de Martzu 2022 a is 5 e mesu de a merii (17,30).

Comunu de Gùspini: In Gúspini unu murale dedicau a Gino Strada s’at a realizai in sa gabinade s’ENEL debia Matteotti gràtzias a sa collabboratzioni intra Comunu e su progetu ENEL “Ridisegnare cabine”. S’idea progetualidd’ant intregada a s’illustradori guspinesu Carlo Giambarresi chi is collabboratzionis suas andant de "Il Corriere della Sera" a su"The New York Times". Agiudat a realizai s’ópera artística (chi s’at a acabbai e s’at a inaugurai lunis 29 de Martzu 2022 a is 5 de a merii), s’assótziu “Non solo Murales” de Santu 'Éngiu.