Comunu de Casteddu: Cenàbara s’11 de Friàrgiu 2022 a is 5 e mesu de a merii in su Spàtziu Acontéssius de sa MEM - Mediateca de su Mesuterràniu, in bia Mameli 164, Carlo Sorgia presentat s’úrtimu libbru suu "La danza della vita" - La Sindrome di Down dal punto di vista di un nonno".

Comunu de Casteddu: Sighint is atividadis chi pertocant is logus de sa cultura de Casteddu: unu programma arricu de acontéssius po su púbblicu chi si podit spassiai intra tastaduras, vísitas acumpangiadas e atru ancora. Domínigu su 13 de Friàrgiu a is 10 e mesu de a mengianu torrat s’apuntamentu dedicau a connosci mellus sa cultura enológica regionali

Comunu de Casteddu: Sa “Società Umanitaria - Cineteca Sarda” bolit arregodai a sa straordinària Monica Vitti cun d-unas cantu proietzionis de film, po tzelebrai una parti mancai pitica de sa carrera cosa sua e de su talentu suu siat artísticu e siat umanu. Calendàriu de is proietzionis:Gióbia su 10 de Friàrgiu 2022, h. 19.00; Gióbia su 17 de Friàrgiu 2022 h. 19.00; Gióbia su 24 de Friàrgiu 2022 h.19.00.

Comunu de Pau: Fonti: "La Gazzetta del Medio Campidano": Sa Scaba Crobina s’agatat in sa parti nord-orientali de su Monti Arci, in su territòriu de su Comunu de Pau. Sa pendèntzia e su colori scuriosu de custu tretu iant spantau puru su generali La Marmora; “in su territòriu ddoi funt arrogus de imbìrdiu vulcànicu”, iat scritu in su 1860 inditendi custus logus candu iat visitau sa Sardigna.

Comunu de Seddori: Fonti: "La Gazzetta del Medio Campidano": Sàbudu su 12 de friaxu a is ùndixi e mesu de a mengianu in su Polu Culturali Parcu S’arei, at a essi donau a s’Assòtziu Anteas unu Fiat Doblò, arresultau de sa collaboratzioni tra su Comunu de Seddori, Anteas Seddori e PMG Itàlia po sa realizatzioni de su progetu “Mobilità garantita-Mobilidadi assigurada”.

Comunu de Nùgoro: Lollove intrat a fai parti de s’élite de “I Borghi Piu' Belli D'Italia”. Pustis de s’averiguamentu fatu me is dis passadas, ariseu su consillu diretivu de s’assótziu ca acollit is centrus italianus piticheddus cun sa punna de ndi salvai stória e traditzionis, at difati nau carei a s’istàntzia presentada a s’acabu de meseidas 2021 de s’amministratzioni comunali.

Comunu de Biddanoa de Forru: De sa redatzioni de su curriculum a sa simulatzioni de su collócuiu de trabballu. Biddanoa de Forru - Mércuis 9 martzu de is oras 15 a is oras 18. Labboratóriu scéti po unu cantu númunu de genti. Arrichiédida prenotatzioni.

Comunu de Igrèsias: Torrat Chocomoments Igrèsias pustis de su pàsiu po mori de su Coronavirus e giustu in tempus po afestai a Santu Valentinu. De s’11 a su 13 de Friàrgiu 2022 in Pratza Quintino Sella torrat in tzitadi sa segunda editzioni de Chocomoments Igrèsias, sa festa manna de su ciuculati artigianali