Comunu de Serramanna: Sàbudu 6 de Abrili 2019, a is ses e mesu de a merí (18,30), in su Montigranàticu béciu (ammassu de su trigu), s'assótziu culturali "Il Pungolo", presentat  su líbburu de Emilio Ortu Lieto asuba de is pinturas decorativas in is domus de làrdiri: "Pitture decorative nelle case di terra cruda in Sardegna".

Comunu de Gùspini: Est inghitzada sa “Cassa a is allenus” in is scolas guspinesas. Cassa a is allenus difatis est su nómini de su progetu de educatzioni ambientali asuba de is arratzas  de matas e de animalis invasivas (chi ndi prenint totu) allenas (originàrias de àterus logus), prumóviu de s’Amministratzioni Comunali de Gùspini po s’annu scolàsticu 2018/2019, gràtzias a s’agiudu de s’Universidadi de Casteddu.

Comunu de Igrèsias: S'Artzicunfraria de sa Vírgini de sa Piedadi de su Monti Santu, in ocasioni de is manifestadas de sterrida a sa Cida Santa 2019 cun s'agiudu de s'Amministratzioni Comunali de Igrèsias, su 6 e su 7 de abrili 2019, presentat sa de 4 manifestadas "Guitar Festival 2019 - Igrèsias".

Comunu de Ussaramanna: Su Comunu de Ussaramanna organizat, su 6 e su 7 de Abrili 2019, sa de 35  editzionis de s'Ammosta de is Erbas Arestis e sa Festa de sa Pàrdula.

Comunu de Biddacidru: Inghitzat crasi  in Biddacidru, in su Teatru de s'Oratóriu San Giovanni Bosco, a is ses e mesu de a merí (18,30)  su programma musicali de sa de 12 Editzionis de "Mare e Miniere" cun "i cunti" de Mario Incudine, stórias interradas de chi at trabballau in is tantis minieras in Sicília e foras.

Comunu de Biddacidru: Sa Províntzia de su Sud Sardigna imparis cun su Comunu de Gùspini at organizau unu Cursu de Língua Sarda de Alfabbetizadura. Su cursu est in donu. Funt abertas is iscritzionis.

Comunu de Gùspini: Sa Províntzia de su Sud Sardigna imparis cun su Comunu de Gùspini at organizau unu Cursu de Língua Sarda de Alfabbetizadura. Su cursu est in donu. Funt abertas is iscritzionis.

Comunu de Pabillonis: Sa Províntzia de su Sud Sardigna imparis cun su Comunu de Pabillonis at organizau unu Cursu de Língua Sarda de Alfabbetizadura. Su cursu est in donu. Funt abertas is iscritzionis.