Comunu de Nuràminis: In ocasioni de Sa Giornada Internatzionali de sa Fémmina, su 8 de Martzu, a is ses de a merí (18,00),  sa scritora Daniela Frigau presentat su líbburu cosa sua intitulau "Mer' e Domu".

Comunu de Carbònia: Crasi, mércuris 6 de Martzu, a is cincu de a merí (17,00), in sa Biblioteca de arburada Arsia, ddoi at un'atóbiu nou cun sa rassínnia "Carbonia Scrive". Nc’est sa presentada de su líbburu de Claudia Mascia “Al di là dello specchio”

Comunu de Igrèsias: S’organizatzioni “Chocomoments” imparis cun sa Pro Loco de Igrésias e a su Comunu de Igrèsias presentant sa manifestada “Chocomoments”. S’organizatzioni “Chocomoments” imparis cun sa Pro Loco de Igrésias e a su Comunu de Igrèsias presentant sa manifestada “Chocomoments”

Comunu de Gùspini: Su 8 de Martzu, in ocasioni de sa Giornada Internatzionali de sa Fémmina, s'assótziu "XconosceXfare", presentat in is Domus a Corti s'ammusta "In cammino ... i passi delle donne". In s'interis de sa serada est previdiu unu dibbàtidu cun Aide Esu - Sotziologa de s'Universidadi de Casteddu- e sa proietzioni de su documentàriu "Andavamo a piedi nudi" - sa stória de su trabballu in miniera contada de is cerridoras.

Comunu de Santu Antiogu: Su Comunu de Santu Antiogu afestat su 8 de Martzu 2019 cun su spetàculu teatrali "Unghie e crisi"chi contat, cun una ironia aspra e pitziosa, is cunditzionis de trabballu de is fémminas in custus tempus de crisi económica.

Comunu de Pabillonis: Su  6 de Martzu 2019 ddoi at un'atóbiu informativu po sa presentada de is cursus a indonu po sa creatzioni de impresa e po sa prumotzioni de su trabballu autónomu.

Comunu de Serrenti:  Sighint is atóbius ... su grupu de letura "Il sentiero dei libri". in is aposentus de sa biblioteca comunali.S'atóbiu chi benit est su 6 de Martzu 2019

Comunu de Arresi: Sighit su progetu "Identidadi Virtuali - Su chi postas narat chi ses - Cumenti umperai sa retza in manera segura e cuntrastai su bullismu" .