Comunu de Muristeni: In is vacàntzias de Pasca Manna, su 14, su 15 e su 19 de Abrili, si organizant in su Tzentru de Agregatzioni Sotziali de bia Natzionali atividadis de animatzioni poi s pipius de is 6 a us 13 annus.

Comunu de Biddacidru: S'Ufítziu de Língua Sarda de sa Províntzia de su Sud Sardigna e su Sistema Bibliotecàriu “Monti Linas” organizant s'ammosta bibliogràfica “Sa Die de sa Sardigna” chi si fait de mércuris 20 de Abrili fintzas a su 9 de Maju 2022, in sa Biblioteca Comunali “Antonio Gramsci”, bia Regione Sarda 61, Biddacidru. S'ammosta dda incingiant a is 10.30 ( dexi e mesu de a mengianu).

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 13 de Abrili 2022, ddoi est su de 6 de is dexi labboratórius didàticus culturalis in Língua Sarda de “Mércuris in su Tzínema” : " L'Uomo che comprò la luna" de Paolo Zucca. Su labboratóriu si fait in sa Mediateca Comunali – Tzentru @ll in, bia Parrocchia 190, Biddacidru, h. 17.00 (cincu de a merí). Su labboratóriu est a indonu.

Comunu de Biddanoa de Forru: Sàbudu 9 de abrili a is oras 18.00 in su Museu Cívicu “Genna Maria” s’at a fai sa presentatzioni de su líburu “Archeomeet. Incontri e Scontri sull’Archeologia Sarda” a incura de Giacomo Paglietti e Maurizio Onnis (Grafica del Parteolla Editzionis). Sighint is eventus apariciaus de s’Amministratzioni Comunali de Biddanoa de Forru, su Parcu e Museu "Genna Maria" e sa Cooperativa Turismo Marmilla in ocasioni de is corantannus de s’istitutzioni de su Museu Cívicu Archeológicu “Genna Maria” (1982 – 2022). Po partecipai tocat a prenotai telefonendu a su 070/9300050 o a su 3331760216

Comunu de Gùspini: Si podit abbisitai domínigu su 10 e domínigu su 24 de abrili 2022 s’amosta de pintura e fotografia “Vita in galleria” in sa Galleria Fanni, in bia Matteotti in Gúspini.

Comunu de Pabillonis: Fonti: "La Gazzetta del Medio Campidano": Innantis de su 1960, candu s’acuedotu ancora no dd’iant fabbricau, is meris de domu de Pabillonis, cumenti a sa majoria de is féminas sardas, andànt a frúmini a sciacuai s’arrobba. E fintzas apustis chi sa retza ídrica comunali iat inghitzau a portai s’àcua in is domus, e famìllias meda si fiant organizadas cun d-unu grifoni postu in d-unu lacu de cimentu, o acanta de una perda ciata, in sa pratza de is domu insoru e duncas ddis permitiat de tenni s’àcua po sciacuai s’arrobba, is fèminas sighiant a andai a frúmini a sciacuai.

Comunu de Serrenti: Fonti: "Casteddu on-line"": Ddi nant Alessandra Furcas, classi 1974, serrentesa, e cun s’arti sua dda podeus nomenai intra is artistas sardus.“In su mentris de sa pandèmia mi seu serrada in su laboratòriu cosa mia ma immoi si torrat a inghitzai: circant is òperas mias puru foras de sa Sardìnnia”. 

Comunu de Aristanis: Fonti: "La Gazzetta del Medio Campidano": Alessandra Manca est una artista giòvuna de Aristanis chi si inditat cumenti a una “persona tranchilla ma cun d-una personalidadi a matrioska”.Intra is òperas suas si podint sinnai assumancu duus fil rouge, chi si acrarant me is illustratzionis realizadas:unu de custus elementus est, foras de dudas, sa figura de sa fèmina, pintada in dònnia òpera de Alessandra cumenti a protagonista assoluta, s'àteru est cussu de su bistiri traditzionali isolanu, utilizau a manera originali po no arrui in su stereotipu culturali. «Sa bistimenta sarda cun mimi si spollincat de dònnia velleidadi folkloristica». Una circa fata castiendi a is artistas sardus cumenti a Lai, Ciusa, Palazzi e Biasi, o famadus pintoris chena tempus cumenti a Paul Gauguin e Henri Matisse, in d-unu tretu personali chi bolit contai una boxi, unu messàgiu, una bidea.