Províntzia de su Sud Sardigna: In su cuntestu de is atividadis culturalis in Língua Sarda de sa Províntzia de su Sud Sardigna,s'assótziu “Sarditinera onlus”organizat, po sàbudu 26 de Martzu 2022, sa passillada a indonu “ Montibéciu – Donegani”. Is postus a dispositzioni funt 25 e po si iscriri ddoi at tempus fintzas a is 15:00 de martis 22 de Martzu. Non si arritzint is iscritzionis chi lompint foras de su tempus.

Comunu de Biddacidru: Su Comunu de Biddacidru e is parròchias de Biddacidru organizant una fiacolada po sa PAXI in Ucraina e in su Mundu.

Sa fiacolada si fait martis 15 de Martzu 2022.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 16 de Martzu 2022, ddoi est su de 2 de is dexi labboratórius didàticus culturalis in Língua Sarda de “Mércuris in su Tzínema” : " Giuseppe Dessì. Documentàrius e Film". Su labboratóriu est a indonu.

Comunu de Ussaramanna: Su 9 e 10 de Abrili, me is dis de sàbudu a meigama e domínigu po totu sa diri, in Ussaramannaramanna s’at a fai sa de 36 mustras de is erbas e sagra de sa pàrdula.

Comunu de Teulada: Cenàbura 11 de martzu 2022, oras de is 17:00 Sala Spiga, Domu Baronali (ananti pratza Parróchia). Su svilupu turísticu sosteníbili de Teulada. Presentatzioni de s’initziativa e de su percursu partecipativu.

Comunu de Biddaramosa: Labboratóriu de scacus po piciocheddus de is 11 a is 17 annus. Dónnia lunis de is 15.00 a is 17.00. Po is iscritzionis preguntai a s’ufítziu de is Servítzius Socialis intra de cenàbura 11 de martzu.

Comunu de Biddesartu: Bida sa situatzioni trista ca ci megat imboddicai sa popolatzioni UCRAINA e totu su mundu, in custas dis s’Amministratzioni Comunali, in collaboratzioni cun s’assótziu de PROTETZIONI CIVILI A.V.R.A. Biddesartu, est apariciendu una arragorta de dinai po pigai mexinas po pipius.

Comunu de Nuràminis: S’acontéssiu si fait in su Garden Hotel in Nuràminis (CA) sàbudu su 19 de Martzu e domínigu su 20 de Martzu 2022 de is 9 oras de a mengianu a is 8 de a merii.