Comunu de Gùspini: Su 27 de Gennaxu est una data de grandu importu de allogai in sa memória colletiva.Su Comunu de Gùspini donat su cuntribbutu cosa sua in forma simbólica po médiu de una campàngia de sensibbilizatzioni e cun s'ammosta bibliogràfica digitali chi at preparau su Sistema Bibliotecàriu Monti Linas e chi podit castiai in sa retza de su 25 de gennaxu fintzas a su 8 de friaxu.

Comunu de Biddanoa de Forru: S’assòtziu TDM 2000, cumbidat totus is interessau a pigai parti a sa cunferèntzia de is atòbius territorialis denominaus “Y.E.N. – YOUTH EMPOWERMENT NETWORKING”, e chi ant a inghitzai cenàbara su 22 gennaxu 2021 a is cuatru de a merì (ore 16.00). S’atòbiu de cenàbara sinnalat s’inghitzu de is atividadis de su cursu “Formatzioni in movimentu”, organizau cun su patrotzìniu de sa Provìntzia de su Sud Sardigna.

Comunu de Sa Baronia: Su D.P.C.M de su 14 de Gennàrgiu at permìtiu a is museu e is logus de cultura de torrai a oberri a is bisitadoris e duncas torrant a incumentzai is bìsitas ghiadas fintzas in is situs de su Sulcis de Bàsciu. (Immagini de Roberto Pinna)

Comunu de Carbònia: Su D.P.C.M de su 14 de gennàrgiu at permìtiu a is museus e a is logus de cultura de torrai oberri duncas de lunis 18 in Carbònia si podint torrai a bisitai su Parcu Archeològicu de Monte Sirai e su Museu de su Craboni. Su Parcu Archeològicu de Monte Sirai si podit bisitai de is 09:00 a is 13:00 e tocat a prenotai telefonendi o mandendi una mail. (fotografia de Roberto Pinna)

Comunu de Santu Antiogu: Sa Giunta Comunali de Sant'Antiogu at nomenau sa diretora noa de su Polo Archeològicu de "Sa Idda": est sa dotora Sara Muscuso, archeòloga e funtzionària comunali.

Comunu de Igrèsias: Sigundu cantu stabiliu cun votu concòrdiu de su Consìliu Comunali, in sa setziada de su 29 de mesi de ladàmini passau, s’Amministratzioni Comunali de Igrèsias at cunfèrriu sa Citadinàntzia Onorària sa Senadora Liliana Segre, po s’impegnu tzivilli e s’atividadi fata po amparai sa memòria contras a calisisiat genia de òdiu e intolleràntzia.

Comunu de Igrèsias: A cumentzai de cenàbara 22 de gennàrgiu 2021 si podint torrai a bisitai is situs mineràrius de Porto Flovia, Gruta de Santa Bràbara e si podit fai su tour esternu de sa Miniera de Santu Giuanni. Torrat a oberri s'enna fintzas su Museu de su Costumu e de sa Traditzioni

Províntzia de su Sud Sardigna: Sa Províntzia de su Sud Sardigna imparis cun is Comunus alleaus* in su progetu "Sighidura de sa sperimentatzioni linguística", cunformas a sa L. 482/99 fait sciri a totus is tzitadinus chi su labboratóriu musicali in lingua sarda po pipius e piciocheddus de is 6 fintzas a is 14 annus “Fueddaiddu su Sardu”  si fait "on line" e inghitzat su 3 de Friaxu 2021, in sa piataforma Zoom. Is letzionis ddas fait sa Maista e cantanti Manuela Mameli. Su labboratóriu est a indonu.