Comunu de Biddacidru: su 28 de Martzu  2019 a is cincu e mesu de a merì (17,30),in su "Auditorium Santa Barbara"in Biddacidru, un'atóbiu po arraxonai de "Su patzienti antzianu: po un'imbeciadura ativa".

Comunu de Santu Antiogu: Lunis 25 de Martzu, a is tres de a merí (15,00), in s'Àula de su Consillu Comunali de Santu Antiogu, ddoi at un'atóbiu de importu po totus is atividadis cummertzialis in vista de s'arribbu de sa stasoni bella.

Comunu de Giauni e Comunu de Mara Arbarei: Cursus de Língua Sarda.

Comunu de Pauli Arbarei: Sa Biblioteca Comunali de Pauli Arbarei organizat unu cursu crutzu de Língua Sarda "Deu chistionu su sardu" po is pipius de is 6 fintzas a is 10 annus.

Comunu de Igrèsias: Martis 26 de Martzu 2019 , in su  I.I.S. "Asproni-Fermi", ddoi at un'atóbiu informativu po is studiantis de su I.I.S. "Asproni-Fermi" asuba de is oportunidadis de movimentu intra de is Stadus e asuba de is argumentus acapiaus a su funtzionamentu de UE e a sa tzitadinàntzia.

Comunu de Donori : Su 22 de Marztu, in is aposentus de su Montigranàticu béciu, nc'est sa presentada de su líbburu de Pierluigi Serra:  "Sardegna misteriosa ed esoterica".

Comunu de Carbònia: Su 22 de Martzu, in su Teatru Tzentrali in Carbònia n'est su de 7 atóbius cun sa prosa e cun sa danza. Andat in scena su spetàculu de Nunzia Antonino  e Carlo Bruni. "Else".

Comunu de Samassi : Su Comunu de Samassi, sa Pro Lòcu, s'Agentzia "Laore", organizant Sa de 32 Festas de sa Canciofa e Sa de 21 Fieras Agroalimentaris de su Campidanu de Mesu.