Comunu de Samassi: S'Amministratzioni Comunali , Assessorau a sa Cultura, prumovit unu labboratóriu asuba de sa língua sarda.

Comunu de Donori: Su Comunu de Donori imparis a sa Biblioteca Comunali  "Universo" e a s'assótziu culturali "Il Salotto Culturale" ant organizau, sàbudu 23 de Friaxu 2019, a is ses de a merí (18,00) in su Montigranàticu béciu sa presentada de su líbburu " Antonio Gramsci - La vita e il pensiero", un'antologia a fumetus a incuru de Sandro Dessí .

Comunu de Nuràminis: Sa Pro Loco  cun s'agiudu de su Comunu de Nuraminis organizat su Carnevali 2019.

Comunu de Igrèsias: Domínigu 24 de Friaxu 2019, de is seti de a merí (19,00), su Teatru Electra stràngiat su "Cuntzertu po Ilaria", unu spetàculu musicali de tangu e de cantus popularis sardus e de su Sud América.

Comunu de Gùspini: Torrat ocannu puru s'atóbiu culturali de su Carnevali guspinesu "CAMBAS DE LINNA", una manifestada chi tenit arraixinis in su territóriu innui su Carnevali si afortiat de annu in annu cun innestus nous.

Comunu de Futei: Su 25 de Friaxu 2019 a is cuatru de a merí (16,00), in biblioteca ddoi at s'úrtimu de is  tres atóbius po imparai sa língua sarda. Su cursixeddu interessat is pipius/pipias de is 6 fintzas a 10 annus.

Comunu de Scalepranu: Sa Scola de Scalepranu bincidora de sa de 5 editzionis de "Scrittori di Classe", cuncursu natzionali de scritura creativa po is scolas primàrias e segundàrias de primu gradu de totu Itàlia in su cuntestu de su progetu  "Insieme per la Scuola".

Comunu de Giauni: S'Amministratzioni Comunali bolit arregolli testimóngius, memórias, contus e arregordus de su passau de is disterraus giaunesus. Podint pigai parti totus is disterraus originàrius de Giauni cun unu contu, una poesia, una cantzoni o cantada chi arremmonit momentus passaus in Giauni.