Comunu de Gùspini: Sàbudu su 13 e domínigu su 14 de Maju torrat in Gùspini po sa de ses bortas "Monumentus Abertus", s’acontéssiu chi contat su territóriu e is monumentus suus gràtzias a is studiantis de is scolas e de is voluntàrius. Is giassus aintru de sa bidda funt 4 (basaltus a colunna, Domu Murgia, Montigranàticu, Crésia de Santa Maria de Malta) e a custus s’aciungit sa novidadi 2023 chi est una passillada po scoberri su burgu mineràriu de Montibéciu.

Comunu de Seddori: S’Archìviu stòricu Comunali de Seddori torrat a aberri cun novas de importu. Sa prima est s’abertura a su pùbblicu: dònnia martis de is dexi a sa una, at a essi possìbili, cun sa ghia de s’archivista, consultai is documentus stòricus chi ddoi funt. Sa sigunda est s’inghitzu de unus cantu de laboratòrius didàticus po is studiantis de sa scola primària e sigundària de primu gradu. 

Comunu de Sàrdara: Fonti: "La Gazzetta del Medio Campidano":  Sàbudu su 13 de maju a is noi oras e mesu de mengianu, in su tzineteatru comunali de Sàrdara, ddoi at a essi sa presentada ufitziali de su progetu “Bias de connoscèntzia”.  Su progetu pertocat sa promotzioni de su territòriu de Sàrdara e sa scoberta de is arrugas de sartu e de is tretus de interessi in su territòriu de Monreali. 

Comunu de Seddori:  Ant incingiau in Casteddu, in su Casteddu de Santu Micheli, sa mustra Casteddus Medievalis de Sardigna organizada de sa Reti de is Casteddus de sa cali su Comunu de Seddori est cabufila. Su presidenti de sa Giunta Regionali Christian Solinas at segau su frocu impari a su sìndigu de Seddori Alberto Urpi e a s’assessora a sa Cultura e spetàculu de Casteddu Dolores Picciau.  

Comunu de Serrenti: Si fait sciri a totus ca s’8 de maju 2023 aberrit su “Spazio Ascolto”, su Sportellu sperimentali de consulèntzia pedagògica.  Su Portellitu “Spazio Ascolto” est unu servìtziu po agiudai is famìlias chi funt in dificultadi po afrontai is chistionis acapiadas a is relatzionis familiaris. In su Sportellu agatais sa Pedagogista Dott.ssa Maria Bonaria Secci.  Is consulèntzias s’ant a fai me is aposentus de su Servìtziu Educativu Territoriali, in Serrenti in bia Nazionale nu. 240 (Asilo Esmas). 

Comunu de Sàrdara: Fonti: "La Gazzetta del Medio Campidano": Est unu laboratòriu de cultura, esperièntzia de vida e chistionada intra gènias. S’Universidadi de sa de Tres Edadi de Sàrdara at aprontau unu calendàriu arricu de atividadis innoi ant partetzipau personas medas e ca tenit sa sea sua in s’àrea termali, in s’aposentu de s’ex Bottiglieria. A su cursu de su professori Giovanni Scanu, “Piante fossili, un tesoro sconosciuto”, at pigau parti genti meda.

Comunu de Bannari: Fonti: "La Gazzetta del Medio Campidano": Bannari tenit una crèsia noa. Unu edifitziu sacru, innoi ddoi at sa luxi chi castiat a su benidori. Una òpera pesada de nou, is traballus funt duraus seti annus po crupa de sa pandèmia. Unu progetu de sa diocesi de Abas-Terraba, finantziau cun su dinai de sa Cunferèntzia Episcopali Italiana, ma puru cun s’agiudu de s’amministratzioni comunali de Bannari.

Comunu de Biddacidru: Torrat in Biddacidru Piergiorgio Pulixi, su príntzipi de su “noir”, bincidori de su Prémiu Scerbanenco 2019, po presentai su romanzu cosa sua “La libreria dei gatti neri”, ed. Marsilio. Candu? Gióbia 4 de Maju, h. 18:45 ( seti mancu cuartu de a merí) in su “Caffè Letterario”. Fueddant cun s'autori is letoras de su Club.