Comunu de Igrèsias: Cantanti, circadora, connoscidora de sa traditzioni musicali e linguìstica de sa Sardigna, Elena Ledda presentat “Boxis po Pasca Manna” unu progetu dedicau a su cantu sacru de sa Cida Santa. Cun issa in sa crèsia de San Pio X, in sa bia Cristoforo Colombo, a is seti de merì e cun intrada a indonu, impari a is cumpangius suus de aventura, nòminis connotus in sa mùsica sarda, Simonetta Soro (boxi), Mauro Palmas (sulitu), Marcello Peghin (ghitarra) e Silvano Lobina (bassu).

Comunu de Santuidu: Sàbudu 25 de Martzu 2023, h. 16:00 ( cuatru de a merí), in bia Delle Rondini, su Comunu de Santuidu, assessorau a su Turismu cun sa collabboratzioni de sa Pro Loco de Santuidu, presentat su Murali dedicau a su Maistu Luigi Lai.

Comunu de Scalepranu: Cenàbara 24 de Martzu 2023, h. 17:30 (is cincu e mesu de a merí), in sa Sala de su Cuntzillu comunali de Scalepranu, in bia Sindaco Giovanni Carta n.8, ddoi est sa presentada de su líbburu :" E l'Isola và" de Gianfranco Bottazzi.

Comunu de Serramanna: Si ti bolis candidai po unu biaxi internatzionali spesau de unu totu. Su progetu est riservau scéti a is piciocas e a is piciocus, de 18 a is 24 annus, residentis in su Comunu de Serramanna. Po informatzionis tocat a mandai una "e-mail" a: serramanna@comune.serramanna.ca.it

Comunu de Igrèsias:10 de Martzu – 7 de Maju 2023, in su Tzentru Culturali – Domu de su Tzínema, in bia Cattaneo.Torrat, po su de duus annus, sa rassínnia “primavera Culturale”, cun sa punna de s'aprofundimentu, de s'arrexonamentu e de sa resisténtzia.

Comunu Barrali: S'Assótziu “Il Mondo che vorrei” cun s'agiudu de su comunu de Barrali, organizat su Cursu basi de Primu Sucursu Veterinàriu.Su cursu si fait sàbudu 25 de Martzu 2023, h. 9:00 – 13:00.

Comunu de Santu Sparau: S'Amministratzioni Comunali est prexada de cumbidai totu sa populatzioni a sa presentada de su libru "Accabadora. Mito e Realtà. Storia e reperti di un ritrovamento" chi si fait sàbudu su 25 de Martzu 2023 a is 5 de a merii (17.00), in s’aposentu de su consillu de su munitzípiu in bia Sassari.

Comunu de Ollasta: Fonti: "La Gazzatta del Medio Campidano": Sàbudu su 18 de martzu in sa domu museu, ddoi est sa presentada de su libru de Stefano Floris. Una stòria bella ca est fadendi su giru de sa Sardigna e immoi arribat puru in su tzentr de sa Marmidda Arta. Sàbudu su 18 de martzu a is ses de a merì (h. 18:00) in sa domu museu de Ollasta, Stefano Floris de Furtei at a presentai su libru suu “Danzando sotto la pioggia”.