Comunu de Gùspini: Banderas a mesu fusti sa Dii de s’arregodu: una festa tzivili natzionali italiana, fundada cun sa lei 30 de Martzu 2004 n. 92 e tzelebrada su 10 de Friaxu de dónnia annu. S'istitutzioni de sa dii de s’arregodu nascit de sa gana de arrennovai e allogai «sa memória de sa tragédia de is italianus e de totus is vítimas de is fóibas, de su disterru de is istrianus, de is fiumanus e de is dàlmatas italianus de is terras insoru a s’ora de sa Segunda Gherra Mondiali e in su tempus chi at sighiu sa gherra (1943-1945), e de sa faina prus complicada de sa làcana orientali».

Comunu de Nuràminis: Sa truma de sa Pro Loco de Nuràminis e Biddarega amparaus de su Comunu de Nuràminis aparíciat su "Mostruosu Carnovali Nuraminesu" domínigu su 19 de Friaxu 2023 e cumbidat a totus a partetzipai a sa sfilada domínigu su 19 de Friaxu a is 4 de a merii (16.00), cun màscaras a solas, trumas e carrus. Ocannu su tema scioberau est ispirau a "Thriller" de Michael Jackson

Comunu de Sant' Èngiu: Fonti: "La Gazzetta del Medio Campidano": De Santu ‘Èngiu a s’India po sonai is launeddas in su “Udaipur Word music festival 2022”, una de is manifestatzionis musicalis prus de importu de custu continenti asiaticu arribada a sa de ses editzioni. Aici sa magia de su strumentu antigu sardu at sonau in sa tzitadi de Udaipur, nomenada sa Venezia d’Orienti, gràtzias a su santuengiesu Bruno Loi, pesau in sa scola de is launeddas de su maistu Dionigi Burranca de candu teniat 17 annus.

Comunu de Casteddu: De su 9 a su 12 de friaxu in su bixinau de sa Marina, in Casteddu, s’at a fai sa festa patronali de Sant’Eulalia. Cuatru diis de festa cun d-unu programma arricu e spantosu cun atòbius siat arreligiosus siat tzìvilis, gràtzias a sa parròchia de Sant’Eulalia si bolit tzelebrai unu de is cultus prus antigus de sa tzitadi.

Comunu de Gùspini: Torrat pustis de duus annus de pàsiu su Carnovali Guspinesu. "Si cumentzat su Gióbia Lardajolu (16 de Friaxu) cun su Carnovali de is Pipius. Su 21 de Friaxu (Martis de Agoa), is “Cambas de Linna” ant a fai partiri sa sfilada de Pratza Oristano a is 5 de a merii (17.00).   

Comunu de Gùspini: Funt abertas is iscritzionis a is labboratórius de " S'ora de is stórias " chi si faint in sa Biblioteca Comunali dónnia duas cidas. Is labboratórius funt pentzaus po is pipius de edadi intra is 3 e 5 annus e intra is 6 e 8 annus.

Comunu de Casteddu: Su 20 de gennàrgiu 2023, est stétia incingiada sa mustra “L'isola in orbace. Sfogliare la storia- “Cumbatentismu, Fascismu e Sardismu me is pàginas de is giorronalis natzionalis e de sa Sardigna intra su 1918 e su 1927” chi si podit visitai finas a su 19 de friaxu de su 2023. Sa mustra, chi s’agatat in su primu pianu de sa MEM – Mediateca de su Mediterràneu in bia Mameli 164 in Casteddu.

Comunu de Seddori: Teatru Comunali "Akinu Congia" su 1 de friaxu 2023 a is noi oras de noti (21:00). Atòbiu nou cun sa stagioni teatrali 2022/2023 organizau de su Comunu e de su Cedac cun su spetàculu de su raportu intra òmini e natura – mèrcuris su 1 de friaxu a is noi oras de noti – cun “Uomini e Virus / Uno scomodo equilibrio” de e cun Mario Tozzi (boxi) e Enzo Favata (mùsica).