Comunu de Gùspini: CONTAUSĺ. Tres mericeddus cun “smurzu” po s’atobiai, si connosci e fai amigàntzia, ligi contixeddus spassiosus e chini at a tenni prexeri de aproillai at a contai e s’at a contai cun arregodus de sa pipiesa e speras po su benidori. Is tres atóbius si faint in sa Pratzita de is Girasolis in Gúspini (a faci de su bar “Sa Prenza”, ma chi fait tempus malu s’eus a transiri in sa sea de s’Assótziu, in Bia Togliatti 1, h. 16:30 - 18:30 in is diis: 30 de Cabudanni, 21 de Meseladàmini, 18 de Donniasantu 2022.

Comunu de Serrenti: Sa de tres Sagra de sa Figu Murisca de su Campidanu. Domìnigu su 25 de cabudanni de su 2022 in su “C-Park” in Bia Giovanni XXIII, Serrenti.

Comunu de Samassi: Fintzas a su 30 de Cabudanni abertas is iscritzionis a su labboratòriu “Sa forredda ‘e su connotu - cittadinanza comunitaria in azione".

Su Laboratòriu Sa Forredda ‘e su connotu at a essi de 10 atòbius de tres oras donniunu, intra de is mesis de ladàmini, dognassantu, nadali 2022. A su laboratòriu ddoi ant a podi pigai parti giòvunus e mannus chi bolint chistionai su sardu, assòtzius, consultas de giòvunus, cambaradas culturalis chi bivint e traballant me in su territòriu de Samassi. Su laboratòriu at a essi gratis. Po informatzionis e po is iscritzionis podeis iscriri a s’indiritzu: agoa.srd@gmail.com o tzerriai a su nùmeru 3312305341.

Comunu de Muristeni: Su Comunu de Muristeni at aderiu a sa de 17 editzionis de su Féstival Tuttestorie de Literadura po Piciocus, apariciau de sa Cooperativa e Libreria po piciocus Tuttestorie.
Su 6 e su 7 de Meseladàmini, in sa pratza ananti de sa Biblioteca Comunali, is piciocus de is classis II - III - IV e V de sa scola primària ant a atobiai a is autoris.

Comunu de Ìsili: “Artis e Ortus” est sa dii acontéssiu de s’atóngiu isilesu. Su 2 de Meseladàmini ĺsili aberrit is portas a is abitantis suus, a is bisitadoris, a is turistas e a is curiosus, donendi vida a un’apuntamentu anca arrapresentai una fotografia de su territóriu e de is particularidadis de su Sarcidanu Brabaxa de Seulu.

Comunu de Bàini: Fonti: "La Gazzetta del Medio Campidano": Prus de sescentus fotografias po unu mesi in Marmidda. Su territòriu de su Cunsòrtziu Due Giare at a essi po una pariga de cidas s’editzioni noa de sa mustra “A Banda 2022”, chi at a essi incingiada sàbudu su 17 de cabudanni in su tzentru de produtzioni culturali “Move The box” de Bàini, ma chi at a essi amostada in custa biddas: Baràdili, Baressa, Senis e Villa Sant’Antonio.

Comunu de Baràdili: Fonti: "La Gazzetta del Medio Campidano": In Baràdili, sa bidda prus pitica de sa Sardigna e duncas puru sa prus curtza, cun duus atòbius su 23 e su 30 de cabudanni, ant a essi amostadas is òperas de is registas sardus prus famadus. De Bonifacio Angius a Salvatore Zucca, de Jo Coda a Salvatore Mereu, passendi po Enrico Pau e Peter Marcias.

Comunu de Muristeni: De martis su 13 e fintzas a sàbudu su 17 de Cabudanni 2022 si abetaus in Muristeni a s’editzioni noa de "Dammi un 5!" Festival.

5 diis de literadura, música, teatru e convivialidadi.