Comunu de Serrenti: Presentada  de "Abrili in Serrenti " su programma dd'at apariciau su Comunu de Serrenti in collabboratzioni cun Avis, Pro Loco, Tzitadi de su Làdiri, Comitau de Santu Jacu, Biblioteca comunali.

Comunu de Pabillonis: Funt giai incumentzaus is aprontamentus po sa rapresentatzioni sacra de Su Scravamentu chi si fait Cenàbara Santu (su 15 de abrili). Bogaus de is cascionis is bistiris de scena antigus, is atoris, coordinaus de su predi don Luca Pittau, si funt atobiaus in sa crésia parrochiali po fai is provas de Su Scravamentu. Su scravamentu de Gesucristu de sa cruxi est una traditzioni meda importanti po sa bidda e su Cenàbara Santu funt medas is fidelis chi a mericeddu trigadiu, citius citius, càstiant cumóvius cust’arrapresentatzioni sacra .

Comunu de Muristeni: In is vacàntzias de Pasca Manna, su 14, su 15 e su 19 de Abrili, si organizant in su Tzentru de Agregatzioni Sotziali de bia Natzionali atividadis de animatzioni poi s pipius de is 6 a us 13 annus.

Comunu de Biddacidru: S'Ufítziu de Língua Sarda de sa Províntzia de su Sud Sardigna e su Sistema Bibliotecàriu “Monti Linas” organizant s'ammosta bibliogràfica “Sa Die de sa Sardigna” chi si fait de mércuris 20 de Abrili fintzas a su 9 de Maju 2022, in sa Biblioteca Comunali “Antonio Gramsci”, bia Regione Sarda 61, Biddacidru. S'ammosta dda incingiant a is 10.30 ( dexi e mesu de a mengianu).

Comunu de Gùspini: Si podit abbisitai domínigu su 10 e domínigu su 24 de abrili 2022 s’amosta de pintura e fotografia “Vita in galleria” in sa Galleria Fanni, in bia Matteotti in Gúspini.

Comunu de Biddanoa de Forru: Sàbudu 9 de abrili a is oras 18.00 in su Museu Cívicu “Genna Maria” s’at a fai sa presentatzioni de su líburu “Archeomeet. Incontri e Scontri sull’Archeologia Sarda” a incura de Giacomo Paglietti e Maurizio Onnis (Grafica del Parteolla Editzionis). Sighint is eventus apariciaus de s’Amministratzioni Comunali de Biddanoa de Forru, su Parcu e Museu "Genna Maria" e sa Cooperativa Turismo Marmilla in ocasioni de is corantannus de s’istitutzioni de su Museu Cívicu Archeológicu “Genna Maria” (1982 – 2022). Po partecipai tocat a prenotai telefonendu a su 070/9300050 o a su 3331760216

Comunu de Pabillonis: Fonti: "La Gazzetta del Medio Campidano": Innantis de su 1960, candu s’acuedotu ancora no dd’iant fabbricau, is meris de domu de Pabillonis, cumenti a sa majoria de is féminas sardas, andànt a frúmini a sciacuai s’arrobba. E fintzas apustis chi sa retza ídrica comunali iat inghitzau a portai s’àcua in is domus, e famìllias meda si fiant organizadas cun d-unu grifoni postu in d-unu lacu de cimentu, o acanta de una perda ciata, in sa pratza de is domu insoru e duncas ddis permitiat de tenni s’àcua po sciacuai s’arrobba, is fèminas sighiant a andai a frúmini a sciacuai.

Comunu de Serrenti: Fonti: "Casteddu on-line"": Ddi nant Alessandra Furcas, classi 1974, serrentesa, e cun s’arti sua dda podeus nomenai intra is artistas sardus.“In su mentris de sa pandèmia mi seu serrada in su laboratòriu cosa mia ma immoi si torrat a inghitzai: circant is òperas mias puru foras de sa Sardìnnia”.