Comunu de Nuxis: Cenàbara a is 6 de merì in sa biblioteca comunali si presentat su lìbru de Fiorenzo Caterini “Colpi di scure e sensi di colpa”.

Comunu de Seddori: Su Comunu de Seddori, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu de Língua Sarda po Mannus  “Fueddaiddu su Sardu” chi inghitzat lunis su 23 de Martzu 2020 a is cuatru de a merí (16.00) in sa Biblioteca Comunali, in su Polu Culturali, Parcu s'Arei.

Províntzia de su Sud Sardigna: Sa Províntzia de su Sud Sardigna cumbidat totus is assótzius interessaus a presentai sa manifestatzioni de interessamentu cosa insoru po pregontai s’inserta in su programma de prumotzioni visíbbili de sa língua sarda chi previdit sa cumpridura in sardu o sardu – italianu de “depliant”, locandinas, opúsculu, striscionis, o àteru, chi pubritzizint acontéssius culturalis, de spetàculu e isportivus de fai in su territóriu provintziali.

Comunu de Ussaramanna: Fonti: "L'Unione Sarda": Su Comunu de Ussaramanna at recuperau sa memória e su passau cosa sua castiendi a su benidori. Su progetu “Il Futuro della memoria” est stétiu presentau cenàbara 14 de Friaxu a is cincu de a merí (17.00), in sa bidda de sa Marmilla, cun sa presentatzioni  de tres muralis nous e de su líbburu:  “La casa tradizionale di Ussaramanna e i toponimi campestri”. Ddoi at unu líbburu in donu po dónnia famillia de Ussaramanna.

Comunu de Quartùcciu: S’Amministratzioni Comunali imparis cun sa “Cooperativa Sociale Agape Onlus” organizat sa Festa de Carnevali po sa tzidadinàntzia e pruschetotu po  is antzianus po martis lardajolu 25 de Friaxu  in sa DoMusArt in  bia Neghelli in  “Quartucciu”.

Comunu de Is Pratzas: Su Comunu de Is Pratzas, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99, fait sciri a is tzitadinus chi est ativu s' Ufítziu de Língua Sarda. S'Ufítziu s'agatat in su Comunu.S'Ufítziu de Língua Sarda est ativu de su su 12 de Friaxu de su 2020 fintzas a su 22 de Abrili de su 2020.

Comunu de Carbònia: Domínigu 23 de Friaxu in Carbònia  si fait sa sfilada tradizionali de Carnevali, caraterizada de sa preséntzia de carrus allegóricus e grupus mascaraus. Un’acontéssiu de allirghia e de spréviu, capassu de interessai gióvunus e prus pagu gióvunus. Is carrus e is grupus chi bolint partitzipai a sa sfilada si podint iscriri mandendi una “e-mail” a s’indiritzu: proloco.carbonia@hotmail.it aintru de su 20 de Friaxu. Is prémius funt medas.

Comunu de Forru: Su Comunu de Forru, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa Lei 482/99, fait sciri a is tzitadinus chi est ativu s' Ufítziu de Língua Sarda. S'Ufítziu de Língua Sarda est ativu de su 18 de Friaxu 2020 fintzas a su 31 de Maju 2020.