Comunu de Santu Antiogu: Fonti: "L'Unione Sarda": In Santu Antiogu sa coxina atóbiat sa scientzia. Acontessit in s’Istitutu Ipia “Loi” de s’indiritzu enogastronómicu, innui unus trinta studiantis funt impignaus in su progetu multidisciplinari: “Ollestincu”, s’ollu de is póburus e àterus alimentus funtzionalis de sa costumàntzia sarda”, Organizau de sa scola cun s’agiudu de s’Universidadi de Casteddu, de su Cnr-Ispa de Tàtari e de unas cantu circadoras.

Comunu de Serrenti: Su Comunu de Serrenti, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu de Língua Sarda po pipius  “Fueddaiddu su Sardu” chi inghitzat lunis su 20 de Gennaxu 2020.

Comunu de Arbus: Fonti: "La Gazzetta del Medio Campidano": Cenàbara 17 de Gennaxu in sa Sala de su Consillu de Arbus, a inghitzai de cincu e mesu de a merí (17.30) si presentat sa ghia, su primu líbburu asuba de su “trekking” prus longu e eciseri de Itàlia.In su camminu s’atóbiant 108 turris costieras chi fintzas de su Mediuevu ant costituiu su sistema defensivu e de avistamentu de sa Sardigna. Si truessant logus archiológicus, zonas de amparu spetziali, logus de interessamentu comunitàriu, parcus regionalis e àteras àreas naturalis amparadas, crésias e nuraxis.

Comunu de Carbònia: Su Comunu de Carbònia imparis cun su Cedac at programmau una stasoni noba de prosa, música e dantza de primori cun 9 spetàculus chi bantant sa preséntzia de artistas de livellu natzionali e internatzionali. Si inghitzat sàbudu 18 de Gennaxu 2020, candu in sa guarnissa stravanada de su Teatru Tzentrali de Pratza Roma andat in scena su spetàculu musicali “Il Lago dei Cigni” de sa Cumpangia “Raffaele Paganini – Almatanz”, cun sa música stravanada de Pëtr Il’ič Čajkovskij.

Comunu de Carbònia: Su programma de s’acontéssiu previdit a is ses mancu cuartu de a merí (17.45) sa beneditzioni e s’alluidura de su fogadoni e, a sighiri, su stentu in cumpangia de su grupu folclorísticu “Is Massaius” de Barbusi.

Comunu de Carbònia: Sa tzitadi de Carbònia de pagu s’est candidada a “Capitali Italiana de sa Cultura”. Funt 44 is tzitadis italianas chi si funt candidadas po custu arreconnoscimentu de importu. Su Comunu bincidori arritzit unu milioni de éurus po cumpriri su programma presentau.

Comunu de Gùspini: Su Comunu de  Gùspini, alleau de sa Províntzia de su Sud Sardigna in su progetu "Sighidura de sa sperimentatzioni linguística" fait sciri a is tzitadinus chi in custu Comunu si fait su labboratóriu de Língua Sarda po mannus "Fueddaiddu su Sardu" chi inghitzat martis 21 de Gennaxu 2020, in sa Àula de su Consillu de su Comunu de Gùspini, in bia Don Minzoni 10.

Comunu de Biddacidru: Su Comunu de Biddacidru, alleau de sa Províntzia de su Sud Sardigna in su progetu "Sighidura de sa sperimentatzioni linguística" fait sciri a is tzitadinus chi in custu Comunu si fait su labboratóriu de Língua Sarda po mannus "Fueddaiddu su Sardu" chi inghitzat lunis 20 de Gennaxu 2020.