Comunu de Biddacidru: Su 4 e su 5 de Maju sa de 2 editzionis de sa rassínnia "Is erbas arestis de su territóriu cirdesu: risorsa de avalorai intra de costumu e innovatzioni" e in prus sa premiatzioni de su cuncursu "Torraus a fai su Mustajoni.

Comunu de Nuràminis: Sàbudu 4 e domínigu 5 de Maju 2019 in Nuraminis e in Biddarega si fait sa manifestada "Monumenti Aperti".

Comunu de Brucei: Inghitzat domínigu 5 de Maju 2019, a is úndixi e mesu de a mengianu, sa 2 editzionis de sa "Festa de su pani e de su casu". Su programma est arricu meda e previdit ammostaduras de cumenti si fait su casu, tastaduras de pani e casu, spartzinadura de tzípulas, cantadas e torneus de murra.

Comunu de Seddori: Ocannu puru non podiat ammancai s'atóbiu cun "Monumenti Aperti", chi in Seddori si fai su 4 e su 5 de Maju 2019.

Comunu de Scalepranu: Su 4 e su 5 de Maju nc'est "Sa Festa de s'ollestincu, de su casu "Axridda" e de prodotus alimentaris de sartu".

Comunu de Igrèsias: Su 4 de Maju 2019,in s'Àula Magna de s'Istitutu Mineràriu de Igrèsias,po su de 150 anniversàrius de s'abbisita de cuntrollu fata de Quintino Sella in is minieras de sa Sardigna, nc'est sa presentada de su líbburu: "Quintino Sella in Sardegna taccuino di viaggio" de Graziella Panichi.

Comunu de Santu Antiogu: Inghitzant sàbudu 4 de Maju is afestus in onori de su Patronu de sa Sardigna, Santu Antiogu Màrtiri, lómpius a sa de 660 editzionis. Sa Festa prus antiga de sa Sardigna est cumenti a sémpiri un'ammesturu de fidi, divotzioni, costumu, cultura, spetàculu e folclori. Sa festa durat fintzas a su 6 de Maju.

Comunu de Pabillonis: Cenàbara 3 de Maju 2019, a is cuatru de a merí (16,00), in is aposentus de sa Scola Média bécia, in bia Sardigna,  in su cuntestu de su cursu de alfabbetizadura de Língua Sarda, nc'est sa presentada de su líbburu:" Su latinu est limba de sos sardos. Latinum língua sardorum est" de Bartolomeo Porcheddu.