Comunu de Biddacidru: Su coru "SolEnsemble in giru in Sardigna, su 23 de Abrili, a is ses e mesu de a merí (18,30) fait unu cuntzertu  in sa crésia de Santa Barbara, in Biddacidru. S'intrada est in donu.

Comunu de Igrèsias: S'Amministratzioni Comunali de Igrèsias presentat "Sa Fiera de su líbburu de Igrèsias 2019" chi si fait su 22, 23, 24, 25 de Abrili.

Comunu de Carbònia: Su Comunu de Carbònia fait sciri chi si podint presentai is domandas po partitzipai a su  bandu "Will: educare al futuro" chi interessat a is famíllias- cun unu o prus fillus chi faint sa de 5 crassis de is elementaris - e cun ISEE prus bàsciu de 9.000 eurus.

Comunu de Gonnesa: Su Comunu de Gonnesa organizat, de su 19 de Abrili fintzas a su 1° de Maju, abbisitas ghiadas a su cumplessu nuràgicu de Seruci.

Comunu de Nuràminis: Gióbia 18 de Abrili 2019, a is cuatru de a merí (16,00), in sa Sala de su Consillu de su Comunu ddoi at un'atóbiu-dibbatidu po difiniri e po ativai su progetu "Grupus de Camminu" prumóviu de sa ATS Sardigna - ASSL de Casteddu.

Comunu de Igrèsias: S'Artzicunfraria de sa Vírgini de sa Piedadi de su Monti Santu, cun s'agiudu de su Comunu de Igrèsias,de sa Regioni Autònoma de Sardigna e de "Sardegna Endless Island" faint sciri su programma e su calendàriu de is ritus de sa Cida Santa.

Comunu de Igrèsias: Mèrcuris 17 de Abrili, in sa crésia de Santu Frantziscu, s'Universidadi Igresienti de sa 3^ Edadi e s'Artzicunfraria "Sa Vírgini de sa Piedadi de su Monti Santu" presentant "Atóbiu a sa Sarvesa".

Comunu de Biddacidru: Sighit in Biddacidru su programma musicali de "Mare e Miniere" cun su cuntzertu de música sacra "Boxis de Pasca Manna". "Mare e Miniere 2019" presentat Boxis de Pasca Manna: músicas  originalis e arrangiamentus de Elena Ledda, Mauro Palmas, Marcello Peghin e Silvano Lobina. Martis 16 de Abrili de su 2019, seti de a merí (19,00), in sa Crésia de Santa Barbara, Biddacidru.