Comunu de Seddori: “Sa Batalla”, arregordu stóricu de sa Batalla de Seddori, si fait su 2 de argiolas 2023 a inghitzai de is ses de a merí (h. 18:00) in su sartu de Seddori in localidadi Su Bruncu. Si torrat a proponni, cumenti a unu “set” tzinematogràficu mannu, su scontru intra de s'esértzitu sardu e cussu aragonesu.Sordaus, cavallieris, arceris in bistiris stóricus si afrontant torrendi a costruiri sa grandu batalla de Seddori.

Comunu de Seddori: Est stétia incingiada s'espositzioni de su Casteddu de Seddori in su Tzentru culturali “G. Liliu” in Barùmini, in su matessi momentu, partit sa collabboratzioni intra de sa Fundatzioni “Su Nuraxi” e su Polu Museali po sa smenguadura de su costu de is billetus de intrada si si bisitant is sítius de Barùmini e de Seddori.

Comunu de Seddori: Inghitzat su de 2 acabbus de cida de “Sanluri Legge”. Càmbiat su logu ma est eciseri aici etotu. De gióbia a domínigu “Sanluri Legge” est po sa primu borta in su tzentru stóricu, in su pratzali de sa Crésia de Santu Larentzu.

Comunu de Ortacesus: ANTES e su Comunu de Ortacesus, cun s’amparu de su “GAL SGT Sole Grano Terra” e de sa “Fondazione Sardegna Isola del Romanico”, si cumbidant a s’acontéssiu “Digitalizatzioni e avaloramentu de su patrimóniu culturali” cenàbara su 23 de Làmpadas, a is 5 e mesu de a merii (17:30), in su Museu de su Trigu (Bia Kennedy, 25).

Comunu de Serdiana: S’Assótziu “Insieme per la Musica” paris cun su Comunu de Serdiana presentat sa de cuatru editzionis de “E…state in musica”, sàbudu su 24 de Làmpadas 2023 a is 8 de a merii (20.00) aintru de su Teatru Parrochiali de Serdiana.

Comunu de Muristeni: S'Amministratzioni Comunali de Muristeni, paris cun sa “Soc. Coop. Passaparola”, organizat po totus is tzitadinus lómpius a 18 annus un’andada de una dii a Làconi. Sa data, ancora de detzidi a segunda de chini s’at a iscriri, at a èssiri una dii intra su 26 e su 29 de Làmpadas 2023.
Dónnia partetzipanti at a pagai 35 éurus (cun su pràngiu).

Comunu de Patiolla:Su Síndigu e s'Amministratzioni de Patiolla cumbidant totus a sa presentada de su progetu: Nuraghe Santu Juanni Il risveglio del Gigante chi si fait cenàbara su 23 de Làmpadas 2023 a is 7 de a merii (19.00) in sa Localidadi Santu Juanni in Patiolla. 

Comunu de Arbus: S’Assótziu “Porto Palma” aintru de sa manifestatzioni “Istadi in Tunària 2023” aparíciat su 25 de Làmpadas 2023 s’acontéssiu “Portamí in canoa”, una dii ecológica de soli, mari e cumpangia bella po scoberri is logus prus eciseris de sa Costera Birdi de Arbus. Is partetzipantis si depint agatai a is 10 de a mengianu in su Portixeddu de Portu Prama - Tunària.