Comunu de Sàrdara: Fonti: "La Gazzetta del Medio Campidano": Sàrdara tenit potentzialidadis medas de svilupu turìsticu cumenti a is arrisorsas termalis, ambientalis, archeològicas, stòricas e culturalis. Immoi cun d-unu finantziamentu de 100 milla èurus at a essi avalorau su Casteddu de Monreali e is tretus suus turistìcus-culturalis.

Comunu de Sàrdara: Fonti: "La Gazzetta del Medio Campidano": Sàrdara in teatru, custu est su nòmini de s’initziativa promòvia de sa Pro Loco de Sàrdara.
Est unu cuncursu teatrali chi s’arrivolgit a totus is cumpangias teatralis amatorialis sardas. A su cuncursu podint partetzipai is spetàcolis chi rapresentant acadessimentus stòricus acapiaus a sa Sardigna, in lìngua sarda. Sa registratzioni des’òpera at a depi essi imbiada intro de su 30 de cabudanni 2023

Comunu de Seddori: Fonti: "La Gazzetta del Medio Campidano": Su Comitau Amigus de Sant’Antiogu bèciu, organizat, po sa Manifestatzioni “Monumentus Abertus” una passillada in sa cresiedda de sartu de Santu Antiogu, po promovi su territòriu, s’atividadi sportiva e agiudai sa sotzializatzioni intra is personas de sa comunidadi nosta.

Comunu de Gùspini: Sàbudu su 13 e domínigu su 14 de Maju torrat in Gùspini po sa de ses bortas "Monumentus Abertus", s’acontéssiu chi contat su territóriu e is monumentus suus gràtzias a is studiantis de is scolas e de is voluntàrius. Is giassus aintru de sa bidda funt 4 (basaltus a colunna, Domu Murgia, Montigranàticu, Crésia de Santa Maria de Malta) e a custus s’aciungit sa novidadi 2023 chi est una passillada po scoberri su burgu mineràriu de Montibéciu.

Comunu de Seddori: S’Archìviu stòricu Comunali de Seddori torrat a aberri cun novas de importu. Sa prima est s’abertura a su pùbblicu: dònnia martis de is dexi a sa una, at a essi possìbili, cun sa ghia de s’archivista, consultai is documentus stòricus chi ddoi funt. Sa sigunda est s’inghitzu de unus cantu de laboratòrius didàticus po is studiantis de sa scola primària e sigundària de primu gradu. 

Comunu de Sàrdara: Fonti: "La Gazzetta del Medio Campidano":  Sàbudu su 13 de maju a is noi oras e mesu de mengianu, in su tzineteatru comunali de Sàrdara, ddoi at a essi sa presentada ufitziali de su progetu “Bias de connoscèntzia”.  Su progetu pertocat sa promotzioni de su territòriu de Sàrdara e sa scoberta de is arrugas de sartu e de is tretus de interessi in su territòriu de Monreali. 

Comunu de Seddori:  Ant incingiau in Casteddu, in su Casteddu de Santu Micheli, sa mustra Casteddus Medievalis de Sardigna organizada de sa Reti de is Casteddus de sa cali su Comunu de Seddori est cabufila. Su presidenti de sa Giunta Regionali Christian Solinas at segau su frocu impari a su sìndigu de Seddori Alberto Urpi e a s’assessora a sa Cultura e spetàculu de Casteddu Dolores Picciau.  

Províntzia de su Sud Sardigna: In su cuntestu de is atividadis culturalis de sa Províntzia de su Sud Sardigna, s'assótziu Sarditinera onlus organizat, po sàbudu 27 de Maju 2023, un'abbisita a su Museu archeológicu e a su nuraxi "Su Mulinu" de Biddanoa Franca. Is postus a dispositzioni funt 30 e po si prenotai ddoi at tempus fintzas a is 13:00 de gióbia 25 Maju 2023. S'abbisita est a indonu.