Comunu de Serrenti: Si fait sciri a totus ca s’8 de maju 2023 aberrit su “Spazio Ascolto”, su Sportellu sperimentali de consulèntzia pedagògica.  Su Portellitu “Spazio Ascolto” est unu servìtziu po agiudai is famìlias chi funt in dificultadi po afrontai is chistionis acapiadas a is relatzionis familiaris. In su Sportellu agatais sa Pedagogista Dott.ssa Maria Bonaria Secci.  Is consulèntzias s’ant a fai me is aposentus de su Servìtziu Educativu Territoriali, in Serrenti in bia Nazionale nu. 240 (Asilo Esmas). 

Comunu de Sàrdara: Fonti: "La Gazzetta del Medio Campidano": Est unu laboratòriu de cultura, esperièntzia de vida e chistionada intra gènias. S’Universidadi de sa de Tres Edadi de Sàrdara at aprontau unu calendàriu arricu de atividadis innoi ant partetzipau personas medas e ca tenit sa sea sua in s’àrea termali, in s’aposentu de s’ex Bottiglieria. A su cursu de su professori Giovanni Scanu, “Piante fossili, un tesoro sconosciuto”, at pigau parti genti meda.

Comunu de Bannari: Fonti: "La Gazzetta del Medio Campidano": Bannari tenit una crèsia noa. Unu edifitziu sacru, innoi ddoi at sa luxi chi castiat a su benidori. Una òpera pesada de nou, is traballus funt duraus seti annus po crupa de sa pandèmia. Unu progetu de sa diocesi de Abas-Terraba, finantziau cun su dinai de sa Cunferèntzia Episcopali Italiana, ma puru cun s’agiudu de s’amministratzioni comunali de Bannari.

Comunu de Biddacidru: Torrat in Biddacidru Piergiorgio Pulixi, su príntzipi de su “noir”, bincidori de su Prémiu Scerbanenco 2019, po presentai su romanzu cosa sua “La libreria dei gatti neri”, ed. Marsilio. Candu? Gióbia 4 de Maju, h. 18:45 ( seti mancu cuartu de a merí) in su “Caffè Letterario”. Fueddant cun s'autori is letoras de su Club.

Províntzia de su Sud Sardigna: In su cuntestu de is atividadis culturalis in Língua Sarda de sa Províntzia de su Sud Sardigna,s po afestai sa Die de sa Sardigna, s'assótziu “Sarditinera onlus”organizat, po sàbudu 6 de Maju 2023, sa passillada a indonu “Casteddu. Is logus de is Rivolutzionis popularis”. Is postus a dispositzioni funt 30 e po si prenotai ddoi at tempus fintzas a is 13:00 de gióbia 4 de Maju 2023. Sa Passillada Turística est a indonu.

Comunu de Biddacidru: Sa Marcialonga 2023 si fait su 23 de Abrili e est unu de is eventus insertau in su cartelloni diaderus arricu de ViviVerde.S' atóbiu de is partitzipanti est fissau in Pratza Lavatoju a is h. 8:45 ( noioras mancu cuartu), si partit a is 9:15 (noioras e cuartu). Sa passillada acabbat cun s'arribbu a su Parcu de Castàngias

Comunu de Biddacidru: Sàbudu 22 de Abrili 2023, h. 18:30 in s'Auditorium Santa Barbara in Biddacidru ddoi at su cunvegnu "Studi su San Sisinnio: tra documenti storici e memoria” organizau in su cuntestu de is eventus insertaus in su cartelloni po sa Festa de Santu Sisinni.

Comunu de Biddacidru: S'Ufítziu de Língua Sarda de sa Províntzia de su Sud Sardigna e su Sistema Bibliotecàriu “Monti Linas” po afestai sa Die de sa Sardigna organizant s'ammosta bibliogràfica “Sa Die de sa Sardigna” chi si fait de cenàbara 28 de Abrili fintzas a su 8 de Maju 2023, in sa Mediateca comunali – Tzentru @ll in, bia Parrocchia 190, Biddacidru. S'ammosta dda incingiant a is 10.30 ( dexi e mesu de a mengianu) de su 28 de Abrili 2023