Comunu de Senobrì e Ortacesus: Su primu apuntamentu de atóngiu a indonu cun su turismu sperientziali in Trexenta est sàbudu su 19 de Donniasantu in is biddas de Senobrì e Ortacesus. S’ant a strangiai in una guarnissa spantosa de sintzillesa po ammirai e connosci unus cantu de logus archeológicus de is prus importantis de su territóriu insoru, cumbidendisí a passai impari una dii speciali de traditzionis antigas, de cultura e de spàssiu.

Comunu de Ortacesus: Sàbudu su 19 de Donniasantu 2022 a is 6 de a merii (18:00) in su Museu de su Trigu, “Su filugranu de oru e su mitu de is Janas”: unu biaxi fotogràficu po scoberri is janas e is prendas de filugranu. 

Comunu de Gùspini: Torrat s’apuntamentu cun “Autunno d'Autore” in Gúspini de su 28 de Meseladàmini fintzas a su 1 de Meseidas 2022. S’arressigna culturali, pentzada po is prus piticheddus e is mannus puru, in is editzionis chi ant giai fatu fiat dedicada a Sergio Atzeni, Antonio Gramsci, Grazia Deledda, Joyce Lussu e Fabrizio de Andrè. Funt seti is apuntamentus de su Calendàriu chi si faint in sa biblioteca Comunali "Sergio Atzeni".

Comunu de Gùspini: Su 18 de Donniasantu ddoi est s'úrtimu atóbiu de sa série Contamí: “Arregodaimí po chini seu stétiu”. S'Ufítziu de Língua Sarda de sa Províntzia de su Sud Sardigna, sea de Gùspini, e s’Assótziu “Il Mercatino dei Sogni APS”, in collabboratzioni cun is atividadis e is assótzius localis, s’abetant in bia Togliatti n. 1 in Gùspini, h.16:00 po passai unu merí praxili e interressanti. 

Comunu de Gùspini: Su 21 de Meseladàmini 2022 ddoi est su de duus atóbius de sa série "Contamí", custa borta dedicau a is contus de is ajajas: "“Ajaja, contamí is giogus tuus de pipia”. S'Ufítziu de Língua Sarda de sa Províntzia de su Sud Sardigna, sea de Gùspini e s’Assótziu “Il Mercatino dei Sogni APS”, in collabboratzioni cun is atividadis e is assótzius localis, s’abetant in sa Pratzita "Dei girasoli", h.16:30 po passai unu merí praxili e interressanti.

Comunu de Nuràminis: Si fait sciri a is tzitadinus ca est possíbbili a presentai is domandas po partetzipai a is labboratórius creativus po is pipius chi andant a sa scola materna e a sa scola primària. S’initziativa tenit sa tenta de apariciai atividadis labboratorialis a tema de Paschixedda chi s’ant a fai in 9 mengianus a cumintzai de su 23 de Meseidas e ant a sighiri a innantis fintzas a sa dii de sa Pasca de is Tres Urreis. Is labboratórius s’ant a fai de is 8.30 a mesudii e mesu in is aposentus de su Monti Granàticu.

Comunu de Nuràminis: Si fait sciri a is tzitadinus ca est possíbbili a presentai is domandas po partetzipai, a sa tenta de dda organizai innantis, a una bessida in tempus de Paschixedda po piciocheddus chi frecuentant sa scola segundària de I gradu e su primu annu de sa scola segundària de II gradu.  
 S’initziativa prevedit de organizai una bessida de si fai in una dii scéti in una localidadi de Brabaxa o in Fonne. Podint partetzipai a s’initziativa ..

Comunu de Is Pratzas:Sa Pro Loco Is Pratzas paris cun s’Amministratzioni Comunali bolint proponni una connosciéntzia prus manna de sa biddixedda insoru. 

S’abetaus domínigu su 30 de Meseladàmini cun s’acontéssiu nostu torrau a nou.