Comunu de Igrèsias: S'Informagióvanus-Eurodesk de su Comunu de Igrésias aparíciat unus cantu atóbius intitulaus “Talking Coffee”, po médiu de s’impreu de sa técnica de su Worldcafé. Est possíbbili a s’iscriri cun su forms https://bit.ly/3GPUZEI opuru tzerriendi a is númerus de teléfunu 0781274417 - 3405716383 (WhatsApp puru).

Comunu de Gùspini: S’Auser Gúspini e sa Lega SPI CGIL (sindacau pensionaus) Gúspini funt is promovidoris de sa presentada de su libbru “BANDITI IN MINIERA” romanzu stóricu de Francesco Carta – Alfa Editrice chi si fait cenàbara su 17 de làmpadas 2022 a is 5 de a merii (17.00) in is localis Auser de bia Togliatti.

Províntzia de su Sud Sardigna e Comunu de Biddacidru: S'Ufítziu de Língua Sarda de sa Províntzia de su Sud Sardigna at organizau sa presentada de s'úrtimu líbburu de Giuseppe Corongiu " S'intelligéntzia de Elias" chi si fait su 30 de Làmpadas, h. 17:30 (cincu e mesu de a merí) in sa Mediateca – Tzentru @ll in, bia Parrocchia 190, Biddacidru. Est presenti s'autori.

Comunu de Gùspini: Fonti: "La Gazzetta del Medio Campidano": Sa Pro Loco, cun is gióvunus suus, su patrocíniu de su Comunu e in collabboratzioni cun is atividadis cummercialis, pigat parti a sa Festa Europea de sa Música aparicendi una serada dedicada a sa mùsica, innui artistas medas s’ant a cambiai s’unu cun s’atru arregalendi esibitzionis de mùsica rock, rap, pop e dance in is bias e in is pratzas de sa bidda. S’acontéssiu si fait cenàbara su 17 de Làmpadas de is 6 de a merii fintzas a mesunoti.

Comunu de Serramanna: Fonti: "La Gazzetta del Medio Campidano": In sa pratza stòrica Gramsci, s’Assòtziu Traditzionis Popolaris torrat cun “Ballus de pratza” unu atòbiu intra cussus organizaus po sa “Festa de sa Mùsica 2022” . Sàbudu su 18 de làmpadas a is nois oras de a noti, ddoi ant a essi Carlo Boeddu de Nùgoro, Carlo Crisponi de Lodine, a s’organetu e a sa boxi.

Comunu de Biddaramosa: Torrant puru po custa istadi is atóbius apariciaus de su CEAS po “Istadi in natura”, is dis de educatzioni ambientali po is piciocheddus de is 6 a is 10 annus. Is operadoris de su CEAS Biddaramosa ant a agiudai is pipius a connòsciri s’ambienti e a dd’arrispetai.

Comunu de Pula: Fonti: "La Gazzetta del Medio Campidano": Oi in su “Foyer” de su Teatru Massimo de Casteddu, ant organizau sa cunferèntzia stampa po presentai sa de coranta editzioni de “La notte dei poeti- Sa noti de is poetas”, in programma in Nora (e Pula) de su 7 a su 29 de argiolas.  

Comunu de Sestu: Fonti: "La Gazzetta del Medio Campidano": Sàbudu s’11 de làmpadas 2022 a is otu e mesu de a merì (20.30) ddoi at a essi in Sestu (in sa Crèsia N.S. de is Gràtzias) su Cuncertu a boxi e strumentus “Sonus antigus de Sardigna” innoi at a pigai parti su grupu Cuncordia a Launeddas (po contu de su Maistu Gianfranco Meloni) cun sa partetzipatzioni de Marianna Orrù (mesu sopranu) e Pasquale Perra (pianoforti).