Comunu de U Pàize: S'Assessorau a is Servítzius Sotzialis de su Comunu de U Pàize fait sciri chi po si iscriri a su Cursu de Animadori Sotziali chi si fait in U Pàize is iscritzionis funt prorogadas a su 10 de Donniasantu 2021.

Po àteras sceras castiai su "link" https://www.mcgcoop.it/corsi-animazione-sociale/

Comunu de Geroni: Mércuris 20 de Meseladàmini 2021, a is cincu e mesu de a merí (h. 17:30), in direta "streaming" in sa pàgina Facebook de s'assótziu "Malik" nc'est sa presentada ufitziali de su progetu MOCORE (unu progetu po Mobbilitai, Collegai e Responsabbilizai is giòvunus de su tzentru Sardigna).

Comunu de Gùspini: Torrat a partí de su 21 de Meseladàmini fintzas a su 10 de Meseidas 2021 “Autunno d’Autore”. Sa rassínnia culturali, chi interessat pipius e mannus.

Comunu de Gùspini: Gióbia su 21 de Meseladàmini a is 5 de a merí, cumenti a abertura de s’Atóngiu de Autori 2021 in sa Bibbrioteca Comunali "Sergio Atzeni", s’at a fai unu labboratóriu de ligidura a incuru de Claudia Benaglio paris cun s’Assótziu “Fabbrica Illuminata”, pigau de su líbburu de Luis Sepulveda "Storia di una lumaca che scoprì l’importanza della lentezza" (Editzioni Guanda).

Comunu de Gonnos:  Su Comunu de Gonnos impari cun s'assótziu Euroform est organizendi unu cursu de Língua Sarda de fai intra de su Meseladàmini e Donniasantu 2021, si arritzint is iscritzionis. Su cursu est a indonu ca ddu finantziat sa Regione Autònoma de Sardigna cunformas a sa L. 482/99 e a sa L.R. 22/2018.

Comunu de Igrèsias: "Giornada mundiali contras a su tumori a is titas", pratza Antonio Orrù h. 17:00

Comunu de Frùmini Majori: Bolis abbitai unu percursu formativu a indonu chi ti permitat de ti specializai in su setori de s'amparu, de sa prumotzioni e de s'avaloramentu de sa cultura e de sa Língua Sarda?

Abbisita su giassu "web" cosa nota: www.insigniaformazione.com e iscridí a su cursu a indonu. Is postus funt limitaus!

Su cursu durat 120 oras.

Comunu de Teulada: De su 7 de Meseladàmini 2021 fintzas a su 15 de Meseidas 2022 est  in servítziu s'Ufítziu de Língua Sarda.