Comunu de Pabillonis: Su Comunu de Pabillonis, imparis cun sa Biblioteca Comunali de Pabillonis de su Sistema Bibliotecàriu "Monte Linas" e s'Ufítziu di Língua Sarda de Pabillonis, at organizau sa presentada de su líbburu: "Il Canto del Nuraghe" de Stefano Cruccas.

Comunu de Santu Antiogu: In su coru de su tzentru tzitadi, a sa scoberta de is segretus de su "Giardino Fatato". Faci a sa domu-igloo de Babbu Natali, fintzas a sa maja de su grandu Steddu de Pratza Umberto. De sàbudu 7 de Meseidas 2019, a is cincu e mesu de a merí ( 17.30) a lunis 6 de Gennaxu 2020, a mesunoti (00.00).

Comunu de Sàrdara: Fonti: Kalariseventi.com. Ocannu Sa Festa de su Binu Nou lompit a sa de 14 editzionis. Sa manifestatzioni chi pertocat sa produsidura de su binu e de sa cosa de papai est dedicada a su binu nou de is produtoris localis, chi benit spartzinau fintzas a acabbai.Ma in programma ddoi at música, cuntzertus, leturas, cantus, baddu sardu, dantza, magioretas, artesanus, labboratórius, ammustas, artistas e torrat puru su "Tour dei Presepi de is Bixinaus".

Comunu de Carbònia: Domínigu 8 de Meseidas 2019 in su Teatru Tzentrali de Pratza Roma si fait sa rapresentatzioni "Riccardo at fatu is annus". Su costu de su billetu est de 10 € ma su scopu de su spetàculu est nóbbili, difatis, totu s'incàsciu andat a s'Assótziu "Le Rondini" po su Tzentru de Domótica "Domo Noa" e a sa Domu de Arritzidura po malàdius de càntziru de Casteddu.

Comunu de Biddacidru: Fonti: "La Gazzetta del Medio Campidano":  Acabbu de cida arricu de acontéssius, programmaus in su cuntestu de su "Dicembre Letterario". Sàbudu 7 de Meseidas s'Archiologu Nicola Dessí presentat su líbburu cosa sua "La preistoria della Sardegna: dal Paleolitico all'Età del Rame" e Domínigu 8 de Meseidas s'atóbiu cun su musitzista Moses Concas.

Comunu de Carbònia: Si torrat a annoai ocannu puru s'atóbiu cun "Il Villaggio di Babbo Natale". "Un'acontéssiu de non pérdiri po tantis pipius chi benint non scéti de Crabònia e de su territóriu cosa nosta ma de is àteras zonas de su Sud Sardigna, a cunfirma de sa grandu capatzidadi atrativa de su "Villaggio di Babbo Natale", in gradu de atirai in is tres editzionis passadas unus cantu milla bisitadoris.

Comunu de Gùspini: Po su 2019 puru est prevídiu su calendàriu de acontéssius de Paschixedda organizaus de su Comunu de Gùspini imparis cun su Tzentru Cummertziali Naturali APICE, cun s’Assótziu Pro Loco Gùspini, cun is Assótzius e is operadoris Cummertzialis chi òperant in Gùspini e chi ant acunsentiu a su progetu.  Su calendàriu est diaderus arricu meda de acontéssius, difatis, inghitzas su 8 de Meseidas 2019 e acabbat su 5 de Gennaxu 2020.

Comunu de Guasila: Su 8 de Meseidas de su 2019,  Guasila si ponit su bistiri de su domìnigu po sa de 5 editzionis de Saboris Antigus.