Comunu de U Pàize: Si comunicat chi sàbudu 23 de Donniasantu 2019, a is otu e mesu de a merí (20.30), in su Tzine-Teatru "MUTUA" de U Pàize, nc'est  sa rétzita cómicu-antropológica "Tipi" de Roberto Ciufoli.

Comunu de Serrenti: Su Comunu de Serrenti in collaboratzioni cun s’Unioni de is Comunus “Terras de Campidanu”, s’Universidadi de Casteddu, “Sa Tzitadi de su Làdiri”, S’Assòtziu “Paesaggi Connessi” organizat sa manifestatzioni culturali Pedra- tretus de paesàgiu chi si fait su 23 e su 24 de Donniasantu in Serrenti, in sa “Domu in Làdiri-Vetrina in Terra Cruda”, in Bia Santa Bràbara.

Comunu de Gùspini: In sa matessi dí de sa Giornada Internatzionali Contras a sa Violéntzia asuba de is Fémminas, sàbudu 23 e lunis 25 de Donniasantu , una cedda de assótzius organizant unu momentu importanti de arrexonu asuba de is efetus trotus chi produsint is bideas precontzetas in is cunfrontus de is fémminas.

Comunu de Casteddu: Su Comunu de Casteddu acunsentit a sa proposta "GoBlu" de s'Unicef. In ocasioni de sa Gionada Mundiali de s'Infàntzia Su Bastioni, su 20 de Meseladàmini, s'intigit de asullu.

Comunu de Igrèsias: S’Ammininistratzioni Comunali de sa Tzitadi de Igrèsias, presentat su líbburu “La Casa degli specchi” de Cristina Caboni. Fueddat cun s’autora: Clara Congia.

Comunu de Igrèsias: S'Arci Igrèsias cun s'agiudu de s'Amministratzioni Comunali, Assessorau a sa Cultura, organizat sa de 10 editzionis de is "Giornadas de su Tzínema Mediterraneu", primu parti. Tzínema, ammustas e atóbius. S'acontéssiu si fait de su 18 a su 30 de Donniasantu 2019. S'intrada est líbbera e a indonu.

Comunu de Gùspini: De su 20 de Donniasantu fintzas a su 4 de Meseidas 2019, in s’oràriu de abertura a su púbricu, si podit biri s’ammusta bibliogràfica “Basta !!!” ammaniada  in sa Biblioteca Comunali “Sergio Atzeni” in ocasioni de sa Giornada mundiali contras a sa violéntzia asuba de is Fémminas,

Comunu de Igrèsias: Su 20 e su 21 de Donniasantu 2019 nc'est sa manifestatzioni "Giornada Mundiali de is Deretus de is Pipius".