Comunu de Samassi: Gióbia 7 de Donniasantu 2019, de is ses e mesu fintzas a is otu de a merí (18,30 – 20,30) in sa Biblioteca Comunali , in bia Vittorio Veneto n. 40, nc’est s’incingiadura de su “Sportello Giovani Samassi” chi donat unu servítziu de informatzioni.

Comunu de Turri: Sa Festa de su Tzafanau in Turri, chi ocannu est lómpia a sa de 26 editzionis, si fait su 10 de Donniasantu  e fait parti de sa filera de manifestatzionis "Strade dello Zafferano DOP di Sardegna".

Comunu de Gùspini: In sa Biblioteca Comunali “S. Atzeni” fait a si iscriri a “Natale Ricicloni” su labboratóriu po mannus de is 18 a is 99 annus chi si fait in Biblioteca su 7 e su 12 de Donniasantu a is cuatru e mesu de a merí (16,30).

Comunu de Giauni: De su 5 de Donniasantu de su 2019 fintzas a su 26 de Maju de su 2020 est torra in servítziu s'Ufítziu de Língua Sarda.

Comunu de Mara Arbarei: De su 5 de Donniasantu 2019 fintzas a su 24 de Martzu 2020 est torra in servítziu s'Ufítziu de Língua Sarda.

Comunu de Serrenti: Sighint is atóbius … su Grupu de Letura “Il Sentiero dei Libri” si reunit una borta a su mesi in is aposentus de sa Biblioteca Comunali. S’atóbiu avatanti si fait su 6 de Donniasantu 2019 in Biblioteca, a is cuatru de a merí (16,00), in su Tzentru Polivalenti de bia Fara. Chini bolit fai parti de su grupu ddu podit fai in calisisiat momentu, podit detzídiri puru de mancai a unus cantu atóbius e torrai a abbitai apustis cunformas a su prexeri e a s’abbisóngiu de donniunu. Su líbburu po su mesi de Meseladàmini 2019 est “La parte migliore” de Christian Raimo.

Comunu de Serramanna: Su 6 de Donniasantu 2019 ddoi at un’atóbiu po sa presentatzioni de su Cumplementu de programmatzioni de su “GAL Campidano” e  de is bandus chi si depint fai de immui a pagu

Comunu de Santu Idu: Su Comunu de Santu Idu, bolit arregolli is manifestatzionis de interessamentu po s’organizatzioni de su progetu “Percorsi d’Acqua”, chi previdit in línia de màssima s’imprenta de unu libbureddu informativu cun sa planimetria de is arrius e s’apicadura de targas in is funtanas púbricas chi s’agatant in su territóriu comunali.