Comunu de Guasila: Fonti: Casteddu on Line Su 25 e su 26 de Meseladàmini 2019 nc'est sa de tres Editzionis de su "Festival dell'Altrove" dedicau a s'antropólogu e studiosu de nomena internatzionali, nàsciu in Guasila, Giulio Angioni, in prus nc'est su "Prémio Giulio Angioni per tesi di Laurea" lómpiu intamis a sa de duas Editzionis.

Comunu de Gùspini: Martis 22 de Meseladàmini, a is ses de a merí (18,00), in s'Àula de su Consillu, s'Amministratzioni presentat a is tzitadinus is progetus de fai in su territóriu de Gùspini in su cuntestu de su Progetu de Svilupu Territoriali (PIT), giai aprovau de sa Regioni Autònoma de Sardigna

Comunu de Seddori: S’arretza de is fortalesas medievalis de sa Marmidda at organizat su “Festival dei Castelli 2019 - Tradizioni, saperi e antichi mestieri”.A parti Seddori, cabufila, funt interessaus Sàrdara, Is Pratzas, Mara Arbarei, Abas e Làconi. (Fonti: L'Unione Sarda)

Comunu de Guasila: Su 23 de Meseladàmini 2019, cun sa 6 Editzionis de “Puliamo il Mondo” Legambiente, passaus imparis una dí po arrexonai asuba de s’amparu de su pianeta cosa nostra.

Comunu de Silícua: Sa Biblioteca Comunali at organizau unu labboratóriu de ligidura in sardu po pipius de 3 a 6 annus chi si fait in sa Biblioteca Comunali etotu, ónnia lunis de is cincu fintzas a is ses de a merí.

Comunu de Igrèsias: Sa Crésia Evangelista Battista de Carbònia e Meurredia-Igresienti imparis cun sa Seu de Igrésias e s’Amministratzioni comunali de sa tzitadi de Igrèsias, organizant sa manifestatzioni “Tottus Impari”

Comunu de Igrèsias: Su “Motoclub” Igrèsias imparis cun s’Amministratzioni Comunali organizat sa manifestatzioni su “Battesimo della Moto” chi si fait su 19 de Meseladàmini 2019 in su “Parco delle Rimembranze”.

Comunu de Pabillonis: De su 18 de Meseladàmini 2019 fintzas a su 24 de Abrili 2020 est torra in servítziu s'Ufítziu de Língua Sarda.