Comunu de Igrèsias: S'Artzicunfraria de sa Vírgini de sa Piedadi de su Monti Santu, cun s'agiudu de su Comunu de Igrèsias,de sa Regioni Autònoma de Sardigna e de "Sardegna Endless Island" faint sciri su programma e su calendàriu de is ritus de sa Cida Santa.

Comunu de Igrèsias: Mèrcuris 17 de Abrili, in sa crésia de Santu Frantziscu, s'Universidadi Igresienti de sa 3^ Edadi e s'Artzicunfraria "Sa Vírgini de sa Piedadi de su Monti Santu" presentant "Atóbiu a sa Sarvesa".

Comunu de Biddacidru: Sighit in Biddacidru su programma musicali de "Mare e Miniere" cun su cuntzertu de música sacra "Boxis de Pasca Manna". "Mare e Miniere 2019" presentat Boxis de Pasca Manna: músicas  originalis e arrangiamentus de Elena Ledda, Mauro Palmas, Marcello Peghin e Silvano Lobina. Martis 16 de Abrili de su 2019, seti de a merí (19,00), in sa Crésia de Santa Barbara, Biddacidru.

Comunu de Carbònia: Martis 16 de Abrili, in Carbònia, in sa sala Astarte de sa Miniera de Serbariu, si fait, a inghitzai de is noioras de a mengianu (9,00), una dí de stúdiu intitulada "Sa Politzia Giuditziària chi pertocat s'infortúniu stradali- Averiguamentu e s'arregorta de is datus de intzidenti stradali cunformas a sa norma 11472/2013"

Comunu de Pabillonis: Su Comunu de Pabillonis fait sciri a totus is tzitadinus chi de su 16 de Abrili, a is tres de a merí (15,00,) in su Tzentru de Agregatzioni Sotziali, in bia Su Rieddu, in Pabillonis,  inghitzat su progetu "Cresci cumenti a babbus e mammas". Is atóbius funt riservaus a is babbus e mamma chi tenint fillus intra de 0 e is 6 annus.

Comunu de Seulu: In Seulu, su 13 e su 14 de Abrili 2019, nc'est sa de 13 editzionis de "S'Orrosa de Padenti". Un'acabbu de cida arricu de bessidas, tastaduras, labboratórius artigianalis, música e spàssiu. Un'ocasioni de non perdi po arremonai o torrai a scoberri su costumu cosa nosta.

Comunu de Igrèsias: Domínigu 14 de Abrili 2019, in Pratza Sella, Igrèsias, de is 9,00 a is 13,00, ddoi at una manifestada de sensibbilizzatzioni asuba de sa Donatzioni de Òrganus e Tessutus.

Comunu de Donori: Sàbudu 13 de Abrili, in su Montigranàticu béciu (Ammassu de su trigu) nc'est sa presentada de su líbburu: "La presunta storia vera di Giulia e Giulio" de Giovanni Follesa.