Comunu de Igrèsias: Sàbudu 13 de Abrili 2019, a is ses de a merí (18,00), in su Teatru "Electra" nc'est sa manifestada: Ammosta "Igèsias a de noti"

Comunu de Igrèsias: S'assótziu "Amici della Vita- Sulcis", imparis cun s'Amministratzioni Comunali de Igrèsias e s'Amministratzioni Comunali de Tratalias presentant "Sa Giornada Mundiali de s'Autismu". Cumpartzidura, bonucoru e música. Sa manifestada si fait domínigu 14 de Abrili 2019, in su Teatru "Electra", pratza Pichi, Igrèsias.

Comunu de Carbònia: Sàbudu 13 de Abrili 2019, in su Teatru Tzentrali nc'est su de dexi e úrtimu atóbiu de sa rassínnia de prosa e de dantza curada de su Cedac . In scena su spetàculu "Tre sull'altalena".

Comunu de U Pàize: Cenàbara 12 de Abrili, de is ses de a merí (18,00), e sàbudu 13 de Abrili de is dexi de a mengianu (10,00)  in su Comunu de U Pàize, in su ExMe, ddoi at un'atóbiu asuba  de s'arreconoscimentu de sa minoria linguística Tabbarchina a bint'annus de sa Lei 482/99.

Comunu de Pauli Gerrei: Cenàbara 12 de Abrili, a is duas e mesu (14,30) in su Tzentru Polifuntzionali de Pauli Gerrei, in bia Pertini,  nc'est sa presentada de  is arresurtaus de su progetu "Sa Biblioteca de s'Identidadi", organizau de is Amministratzionis Comunalis de Ballau e de Pauli Gerrei.

Comunu de Carbònia: Cenàbara 12 de Abrili in sa Biblioteca Comunali de viali Arsia, ddoi at un'atóbiu nou cun sa rassínnia "Carbonia Scrive".Nc'est sa presentada de su líbburu intitulau "Come un avvoltoio" de Giulio Nonnis.

Comunu de Biddesatu: Sa Ludoteca Comunali organizat, po su 18 de Abrili, "Bessida in sa natura". Is pipius e is piciocheddus chi abbitant sa scola elementari e sa scola média, acumpangiaus de is educadoris, bisitant sa sienda agrícola de Consuelo Casu a is peis de su Monti Arcosu. Is iscritzionis scadint su 11 de Abrili 2019.

Comunu de Sàrdara: De gióbia 11 de Abrili 2019, sa coperativa "Koinos" cun sa "Fondazione con il Sud" progetu "I care" presentant in Sàrdara unu logu po pipius ( de 0 a is 5 annus), po babbus e mammas e po ajajus ma puru po is chi funt acanta de bessiri babbus o mammas e si bolint cunfrontai o bolint cumpartziri s'esperiéntzia cosa insoru.