Comunu de Gùspini: S’Ufítziu Língua Sarda de sa Províntzia de su Sud Sardigna, sea de Gύspini in collabboratzioni cun sa Biblioteca Comunali de Gùspini aparíciat unu Labboratóriu de alentadura a sa letura po afestai totus is mammas. S’apuntamentu est cenàbara su 28 de Abrili 2023 de is 10.00 de a mengianu a mesudii (10.00-12.00) in sa Biblioteca Comunali de Gùspini.

Comunu de Biddacidru: Su Museu MAGMMA. S'òpera de su grandu maistu spanniolu Francisco Goya dd'apariciant e dda incingiant sàbudu 15 de Abrili 2023, h. 18:00 in su Museu MAGMMA, in su Palàtziu de s'Obispu, in bia Vittorio Emanuele 15, in Biddacidru.

Províntzia de su Sud Sardigna: In su cuntestu de is atividadis culturalis de sa Províntzia de su Sud Sardigna, s'assótziu "Sarditinera onlus" organizat, po sàbudu 29 de Abrili 2023, un'abbisita a su Museu “Villa Abbas”, a su "Putzu  sacru de Santa Anastasia" e a su Tzentru stóricu de Sàrdara. Su billetu non si pagat. Si arritzint is prenotatzionis fintzas a h. 13:00 de su 26 de Abrili 2023.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi su 4 de Maju 2023 inghitzat su labboratóriu didàticu in Língua Sarda: "Tallaus e coseus". Non podint partitzipai prus de 30 personas ( de is 12 annus in susu). Is iscritzionis scadint a sa  una (h. 13:00) de su 2 de Maju 2023. Su labboratórius est a indonu.

Comunu de Biddacidru: S'Ufítziu de Língua Sarda de sa Províntzia de su Sud Sardigna e su Sistema Bibliotecàriu “Monti Linas” organizant s'ammosta bibliogràfica dedicada a “Iride Peis Concas. "Donna Sarda dell'Anno 2023", chi si fait de cenàbara 14 de Abrili fintzas a su 3 de Maju 2023, in sa Biblioteca Comunali “Antonio Gramsci”, bia Regione Sarda 61, Biddacidru. Est presenti sa scritora Iride Peis Concas.

Comunu de Biddacidru: Su Comunu de Biddacidru presentat su calendàriu de is atividadis propostas po custa editzioni de su 2023 arrica de manifestatzionis, chi si faint gràtzias a s'agiudu de medas assótzius chi trabballant in sa bidda.

Comunu de Gùspini: S’apuntamentu est cenàbara su 7 de Abrili 2023 de is 10.00 de a mengianu a mesudii (10.00-12.00) in sa Biblioteca Comunali de Gùspini.

Podint partetzipai is pipius de 5 a 10 annus de edadi fintzas a unu màssimu de 10 pipieddus.

Comunu de Igrèsias: Cantanti, circadora, connoscidora de sa traditzioni musicali e linguìstica de sa Sardigna, Elena Ledda presentat “Boxis po Pasca Manna” unu progetu dedicau a su cantu sacru de sa Cida Santa. Cun issa in sa crèsia de San Pio X, in sa bia Cristoforo Colombo, a is seti de merì e cun intrada a indonu, impari a is cumpangius suus de aventura, nòminis connotus in sa mùsica sarda, Simonetta Soro (boxi), Mauro Palmas (sulitu), Marcello Peghin (ghitarra) e Silvano Lobina (bassu).