Comunu de Biddacidru: Sa "Stagione Dessiana" inghitzat su 11 de Austu 2022 h. 21:30 (noioras de a noti) cun sa primu de una  série de proietzionis chi si narat: " Tzínema in Domu Dessí" chi po sa dí  proponit  "Il disertore" , a incuru de s'Assótziu "SEMM" , sterrit Giuseppe Caboni. Is acontéssius sighint cunformas a unu calendàriu chi lompit fintzas a su 30 de Cabudanni e proponit rapresentatzionis, teatralis, leturas e passilladas notenas in is logus de su romanzu "Paese d'Ombre",  e diaici sighendi.

Comunu de Gùspini: Torrat ocannu, e si fait scéti in Montibéciu (Cantieri de Levanti), su Féstival “A innantis!”. Si cumentzat a bellu – sàbudu su 6 de Austu – cun su spetàculu biatzu “E’ inutile a dire!” de Jacopo Cullin e Gabriele Cossu, acontèssiu de su Tour 2022. Serrat su Féstival – lunis s’8 de Austu - sa cantautora Cristina Donà (album e síngulu finalistas in su Prémiu Tenco) chi s’at a esibbiri in su Pratzali Anglosarda in s’única data in Sardigna de su “deSidera tour”.

Comunu de escovedu: Fonti: "La gazzetta del Medio Campidano": Sighit s’atividadi de s’istadi de s’Assòtziu Culturali Palazzo d’Inverno chi proponit cuncertus in totu su territòriu circhendi de fai partetzipai genti de dònnia edadi. Sàbudu su 30 de argiolas a is dexi e mesu de noti in Pratza Funtanedda in su Comunu de Escovedu (Or) ddoi at a essi su cuncertu de Randagiu Sardu chi at a cantai impari a Stefano Casti, Davide Crabu e Maurizio Vizilio. 

Comunu de Nuràminis: S’Amministratzioni Comunali de Nuràminis est prexada de si cumbidai totus, pipius, piciocus e is famíllias insoru, a su “Summer Party Night”, sa festa de acabbu de is atividadis istadialis chi si fait cenàbara su 29 de Meseargiolas de is 8 de a merii (20.00) in su Campu Sportivu Comunali.  

Comunu de Nuràminis: Martis su 26 de Meseargiolas a is 8 de a merii (20:00) s’at a incingiai su Campu de Padel nou aintru de su cumplessu sportivu de Bia Satta in Nuràminis. Un’impiantu nou po unu sport nou a su passu cun is tempus de oi.  

Comunu de Gùspini: Torrat su 29 de Meseargiolas in Gúspini "Inistrada", sa festa de sa música e de sa cosa de papai in sa bia organizau de su Comunu de Gúspini cun sa collabboratzioni de su Tzentru de Agregatzioni sotziali e de sa ProLoco chi, in prus de is giòvunus de su Tzentru de Agregatzioni, at a stentai totu sa Comunidadi.  

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi su 23 de Austu 2022 h. 16:45 inghitzat su labboratóriu didàticu in Língua Sarda: "Coseus e incingiaus". Non podint partitzipai prus de 30 personas ( de is 12 annus in susu). Is iscritzionis scadint a sa  una (h. 13:00) de su 19 de Austu 2022. Su labboratórius est a indonu.

Comunu de Biddanoa de Forru: Su Comunu de Biddanoa de Forru, su Parcu e Museu “Genna Maria”, in collaboratzioni cun sa coop. “Turismu Marmilla” e s'assótziu Proloco de Biddanoa de Forru ant presentau su programma de sa 4° editzioni de Archeomeet, atóbiu de cunfrontu asuba de archeologia e ingirius, ca s’at a fai sàbudu 23 de argiolas in Pratza Costitutzioni a incarrerari de is oras 18:30.