Comunu de Domusnoas: S'Ufítziu de Língua Sarda de sa Províntzia de su Sud Sardigna tenit su prexu de presentai s'abbisita multimediali de sa Gruta de Santu Giuanni in Língua Sarda, frutu de sa collabboratzioni cun su "Consorzio Natura Viva Sardegna" chi gestit sa gruta de Santu Giuanni in Domusnoas. Sa presentada si fait su 21 de Argiolas 2022, h. 11:00 in sa Gruta de Santu Giuanni in Domusnoas.

Comunu de Biddacidru: Fonti: "La Gazzetta del Sulcis Iglesiente": Sabudu 16 de argiolas 2022, h. 19:00 (seti de a merí), in su Museu MAGMMA de Biddacidru nc'est sa finali de su Prémiu Marchionni, cuncursu chi interessat a is artistas de totu su mundu.

Comunu de Pabillonis: Su Sistema Bibliotecàriu Monte Linas paris cun s’Assótziu Santu Juanni e cun s’Ufítziu de Língua Sarda de sa Províntzia de su Sud Sardigna, sea de Pabillonis organizat un’abbísita ghiada in sa Domu Museu de Pabillonis, su 22 de Meseargiolas 2022 a is 10:00 de a mengianu. Po pediri informatzionis si podit tzerriai a Biblioteca a su númeru 070.9353957 aintru de su 16 de Meseargiolas. 

Comunu de Biddacidru: Su Sistema Bibliotecàriu Monte Linas paris cun s’Ufítziu de Língua Sarda de sa Províntzia de su Sud Sardigna, sea de Biddacidru, organizat un’abbísita ghiada in sa Crésia de Santa Bàrbara de Biddacidru, su 29 de Meseargiolas 2022 a is 09:00 oras de a mengianu.Po pediri informatzionis si podit tzerriai a Biblioteca a su númeru 070.9316551aintru de su 23 de Meseargiolas.

Comunu de Gùspini: De sàbudu su 9 de Meseargiolas 2022 si podit bisitai torra sa Mena de Montibéciu in su cantieri de levanti pustis de su pàsiu po mori de su covid chi at postu barrancus a dda biri.

Comunu de Igrèsias: Totu s’istadi in Igrèsias ddoi est su trenixeddu turísticu, chi partit de Pratza e fait girus diferentis, chi at a acumpangiai is turistas a scoberri sa tzitadi de Igrèsias.

Comunu de Serrenti: Fonti: "La Gazzetta del Medio Campidano": Cida passada ant elìgiu su Cda nou de sa Proloco de Serrenti, chi at nominau presidenti Barbara Zuddas, classi ‘98, e vitzepresidenti Salvatore Sanna. In su diretivu nou ddoi funt pruschetotu giòvunus chi ant impediu de pedri, custa borta puru, su dinai pùblicu.

Comunu de Bissaspitziosa: Pustis de Làconi, Patiolla, Gésturi, Silius e Cuartúciu, sa manifestatzioni “Cortes in Classics” arribat a Biddaspitziosa. Ocannu sa manifestatzioni s’at a fai in su scenàriu spantosu de su Comunu de Biddaspitziosa (CA), domínigu 10 de argiolas 2022 a incarrerai de is oras 21:30.