Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 11 de Maju 2022, ddoi est su de 9 de is dexi labboratórius didàticus culturalis in Língua Sarda de “Mércuris in su Tzínema” : " Climbing the Elixir". Su labboratóriu est a indonu.

Comunu de Biddacidru: Inghitzat giòbia su 28 de abrili su tretu de is presentatzionis asuba sa “Letteratura e Poesia al femminile” organizau de s’assòtziu culturali Su club de Jane Austen Sardigna, abetendi su Festival de punna de su circulu literàriu prus mannu de s’Itàlia “Dicembre Letterario-Meseidas Literàriu”, arribau a sa de VII Editzioni. Is atòbius s’ant a fai in totu sa regioni e me is tzitadis de Casteddu, Nùgoro, Pramantellu, Biddacidru e in Facebook.

Comunu de Biddanoa de Forru: Sa Coop. Agorà Sardegna Sociedadi Cooperativa at apariciau po is mesis chi benint “Su Féstival Literàriu de sa Marmilla” ca s’at a fai in totus is 20 comunus de su Sistema Bibliotecàriu Marmilla ca faint parti de s'Unioni comunus "Marmilla". Is atóbius prevídius po su comunu de Biddanoa de Forru s’ant a fai in biblioteca e, in piessignu, ant a èssiri pretzius comenti sighit: 06/05/2022 e 10/06/2022  h. 17,00.

Comunu de Ussaramanna: Sa biblioteca comunali de Soramanna, ca aderiscit a su Sistema Bibliotecàriu Marmilla, aparíciat unus cantu atóbius po sa promotzioni de sa língua sarda e sa tutela de su territóriu. “Imparaus sa língua sarda, s’eus a spassiai e eus a imparai unu muntoni de cosas gioghendu cun…sa tòmbola de is animalis in língua sarda”.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi mércuris 4 de Maju 2022, ddoi est su de 8 de is dexi labboratórius didàticus culturalis in Língua Sarda de “Mércuris in su Tzínema” : " Inferru" de su regista Daniele Atzeni chi est presenti  in su labboratóriu. Su labboratóriu est a indonu.

Comunu de Nuràminis: S’arregodat a is chi funt interessaus chi sa data de scadéntzia po is iscritzionis a sa colonia po s’istadi est fissada chentza de possibbilidadi de càmbius a su mesudii de su 28 de abrili 2022.
Sa colonia po s’istadi est organizada de s’Amministratzioni Comunali e si fait in Bosa Marina po 9 notis e 10 diis de su 17 a su 26 de Meseargiolas 2022.

Comunu de Biddaspitziosa: Su comunu de Biddaspitziosa, po médiu de sa pàgina Facebook cosa sua, fait sciri cun prexeri mannu ca incarrerat sa stagioni teatrali noa 2022. Is spetàculus, apariciaus de sa cumpangia Abaco Teatro, ant a èssiri in is mesis de abrili e maju in su teatru comunali “Maria Carta” e ant a inghitzai sempri a is 19.30.

Comunu de Gùspini: S’Unioni Ciclística Gúspini cun su patrocíniu de su Comunu de Gúspini organizat “sa de 33 Pedaladas Ecológicas po sa paxi”, su 25 de abrili 2022. A sa manifestatzioni podint partecipai totus, tesseraus e no tesseraus, e sa cuota de partecipatzioni est 5€ cun su crescimentu de 1€ po is iscritzionis fatas sa dii de s’acontéssiu.