Províntzia de su Sud Sardigna e Comunu de Biddacidru: Su 8 de Friaxu 2022 a is h. 16.00 (cuatru de a merí) in su Palàtziu de s'Obispu, in bia Vittorio Emanuele 15, in Biddacidru nc'est sa presentada de s'Agenda 2022 de sa Províntzia de su Sud Sardigna dedicada a is artistas/ pintoras e pintoris sardus.

Comunu de Seddori: Fonti: "L'Unione Sarda: Unu sistema giustu de collaboratzioni tra pùblicu e privau asuta su controllu de sa Subraintendèntzia a is benis culturalis: est s’acòrdiu agatau de su Comunu de Seddori po amparai su chi abarrat de sa “Muralla” antiga, is murus chi serrànt su burgu medievali de Seddori e su casteddu suu.

Comunu de Seddori:Fonti: "La Gazzetta del Medio Campidano": Inaugurada su 24 de donniasantu de su 2021, sa mustra d’arti “Apostoli” de s’artista seddoresu Antonio Porru at a essi amostada in sa Basìlica de San Saturnino in Casteddu finas a su 30 de gennàrgiu 2022. 

Comunu de S'Alighera: Sa Soprintendéntzia po Sant'Imbénia favorèvoli a s'impreu de su catalanu de Algheru. Su Síndigu Mario Conoci: "arrisultau de su diàlogu intra istitutzionis e arrispetu de is ruolus". “Nisciuna dificultadi a èssiri favorévolis a una integratzioni de is pannellus cun su Catalanu de Algheru a Sant’Imbénia”.  

Comunu de Seddori:Fonti: "La Gazzetta del Medio Campidano": Annelise Atzori est un’artista a 360 gradus connota in totu su mundu. Pintora, scultora, gràfica, poetessa, artista de mosàicus, diplomada in s’Accadèmia de Belle Arti, at fatu mustras in totu su mundu.

Comunu de Gùspini: Su 27 de Gennàrgiu est sa Dii de sa Memória, Gúspini ddu tzelebbrat cun is fueddus de Sandro Pertini, imprentadas in 15 poster mannus apicaus in is murus de sa tzitadi.

Comunu de Sàrdara: S'Amministratzioni Comunali, s'Assessorau a s’Istrutzioni Pùblica e s'Assessorau a sa Cultura, bolint donai unu arreconnoscimentu a totus is discentis chi, in su 2021, apant pigau su Diploma de Làurea, donendiddis una pergamena simbòlica

Comunu de Santu Èngiu: Fonti: "La Gazzetta del Medio Campidano":  Santu’Èngiu, rassinna Cedac, su 22 de Gennàrgiu in scena su Ballettu de Siena