Comunu de Pabillonis:Fonti: "La Gazzetta del Medio Campidano": Festa de Sant’Antoni de su fogu in bidda cun is ritus religiosus sceti. Po mori de su Covid, is manifestatzionis traditzionalis cun is símbulus suus de importu chi acumpangiànt sempri sa festa de Santu Antoni de su fogu, festa chi is pabillonesus funt apegaus meda, ocannu no si faint.  

Comunu de Casteddu: S’Assessorau a sa Cultura e Spetàculu de su Comunu de Casteddu fait sciri ca sa mustra de diorami evangélicus e òperas sacras “Su fàscinu de su Misteru e s'incantu de s'infiniu”, in espositzioni in sa passillada Coberta de su Bastioni de Saint Remy, est trantzida fintzas a Domínigu 16 Gennàrgiu 2022, cun oràriu de vísita de is oras 10:00 a is oras 17:00.

Comunu de Mara Arbarei: Sa biblioteca e s'Amministratzioni Comunali de Mara Arbarei ant decídiu de fai unu cursu ca agiudit po s'ativatzioni e s’impreu de su SPID e de su sistema nou de pagamentu po is amministratzionis púbblicas ca si narat pagoPA. Is domandas si podint presentai intra de su 17 de gennàrgiu 2022.

Comunu de Gonnos: Su Responsàbbili de s’Àrea Servítzius Sotzialis e a sa Persona de su Comunu de Gonnos fait sciri ca a cumintzai de su 16 de Meseidas 2021 funt abertas is iscritzionis a is atividadis de alentadura “Cassa a su Scusórgiu” chi si fait de su 27 a su 29 de Meseidas 2021, cun is piciocheddus de edadi intra is 11 e is 14 annus. Totus, is iscritus e is chi no funt iscritus, podint partecipai a is atividadi de labboratóriu.

Comunu de Gùspini: In ocasioni de is afestamentus de is 150 annus de chi est nàscia, si nd’acataus de cumenti Gràtzia Deledda siat diventada immortali po mesu de is óperas suas, chi espressant atualidadi, femminesa, fortza e dilicadesa totu paris. S’apuntamentu est su 23 de Meseidas 2021 in is aposentus de sa Biblioteca Comunali "Sergio Atzeni" de Gúspini a is 5 e mesu de a merí.

Comunu de Gùspini: Su Tzentru de Agregatzioni sotziali de Gúspini presentat " Efísiu e sa pesta" de e cun Daniele Pettinau, unu spetàculu teatrali de buratinus chi si fait sàbudu 18 de Meseidas a is 5 de a merí in su cineteatru Murgia de Bia Pio Piras.

Comunu de Nuràminis: Su 21 de Meseidas 2021 a is 5 de a merí, in is aposentus de su Monti Granàticu bèciu de Nuràminis, s'Amministratzioni Comunali paris cun su Sistema Bibliotecàriu Joyce Lussu presentant is "Contus de Paschixedda": un’atóbiu de letura de su libbru po pipius intitulau "Fiocco la renna di Babbo Natale".

Comunu de Serrenti: In custu romanzu si contat de sa disgràtzia de Jakov Petrovič Goljadkin, pòburu consilleri vìtima de is normas sotzialis de sa sotziedadi russa de s’Otuxentus e de is insiguresas cosa sua chi custa sotziedadi ddi ponit. Sa segada tra s’eroi e sa sotziedadi est sa coja mancada cun sa filla de su meri suu po crupa de boxis chi ddu inditant interessau a un’atra fèmina.