Comunu de Donori: Su Comunu de Donori organizat s'atóbiu "Sémpiri connétius- Po non perdi is arrastus de is fillus cosa nosta intra de "facebook" e "social network". S'atóbiu est su 11 de Martzu.  Arrelatat sa Dot.ra Valentina Pischedda, pedagogista sperta de fenòmenus de prepoténtzia in sa retza ("Cyberbullismo").

Comunu de Murera: Su progetu "Camminus de identidadi" punnat a donai unu strúmbulu nou a custa forma de arti in Murera previdendi, de una parti, de torrai a cualificai is murales chi giai esistint e, de s'àtera,  de fai muralis nous.Is muralis depint respetai s'argumentu de s'identidadi locali.

Is domandas de partitzipatzioni tocat a ddas presentai a s'Ufítziu Protocollu de su Comunu de Murera aintru de is 11,00 (úndixi de a mengianu)  de su 11 de Martzu 2019.

Comunu de Patiolla: Su Comunu de Patiolla  "Street Books", su 9 de Martzu presentat "Buon Compleanno Faber a Dolianova", pigant parti: Mauro Pagani; Michele Gazich; Arricardu Pitau SoloProject.

Comunu de Igrèsias: Su Comunu de Igrèsias in ocasioni de su 8 de Martzu organizat un'atóbiu asuba de s'argumentu "Su rolu de is Fémminas in su mundu de is minieras".

Comunu de Santu Sparau: S'Assótziu Turísticu Pro Loco de Santu Sparau, domínigu 10 de Martzu 2019 at organizau sa de 7 editzionis de su "Carnevali Sparadesu 2019"

Comunu de Donori: Sàbudu 9 de Martzu 2019, a is ses de a merí (18,00) in su Montigranàticu béciu, nc'est sa presentada de su romanzu "Sulla scia del vento"  de Federico Aru.

Comunu de Igrèsias: Su Comunu de Igrèsias, Assessorau Cultura, Sport, Spetàculu, organizat sa sfilada in màscara de su Carnevali Igresienti 2019, cun carrus allegóricus peri is bias de sa tzitadi. Sa manifestada est sàbudu 9 de Martzu 2019.

Comunu de U Pàize: In ocasioni de Sa Giornada Internatzionali de sa Fémmina, cenàbara 8 de Martzu 2019, ddoi at una serada po afestai sa scritora Grazia Deledda. Arrelatat sa Prof.ra Cristina Lavinio.