Comunu de Gùspini: Su 21 de Meseladàmini 2022 ddoi est su de duus atóbius de sa série "Contamí", custa borta dedicau a is contus de is ajajas: "“Ajaja, contamí is giogus tuus de pipia”. S'Ufítziu de Língua Sarda de sa Províntzia de su Sud Sardigna, sea de Gùspini e s’Assótziu “Il Mercatino dei Sogni APS”, in collabboratzioni cun is atividadis e is assótzius localis, s’abetant in sa Pratzita "Dei girasoli", h.16:30 po passai unu merí praxili e interressanti.

Comunu de Nuràminis: Si fait sciri a is tzitadinus ca est possíbbili a presentai is domandas po partetzipai a is labboratórius creativus po is pipius chi andant a sa scola materna e a sa scola primària. S’initziativa tenit sa tenta de apariciai atividadis labboratorialis a tema de Paschixedda chi s’ant a fai in 9 mengianus a cumintzai de su 23 de Meseidas e ant a sighiri a innantis fintzas a sa dii de sa Pasca de is Tres Urreis. Is labboratórius s’ant a fai de is 8.30 a mesudii e mesu in is aposentus de su Monti Granàticu.

Comunu de Nuràminis: Si fait sciri a is tzitadinus ca est possíbbili a presentai is domandas po partetzipai, a sa tenta de dda organizai innantis, a una bessida in tempus de Paschixedda po piciocheddus chi frecuentant sa scola segundària de I gradu e su primu annu de sa scola segundària de II gradu.  
 S’initziativa prevedit de organizai una bessida de si fai in una dii scéti in una localidadi de Brabaxa o in Fonne. Podint partetzipai a s’initziativa ..

Comunu de Is Pratzas:Sa Pro Loco Is Pratzas paris cun s’Amministratzioni Comunali bolint proponni una connosciéntzia prus manna de sa biddixedda insoru. 

S’abetaus domínigu su 30 de Meseladàmini cun s’acontéssiu nostu torrau a nou.  

Comunu de Seddori: A pustis de ddus annus torrat sa Festa de su Burgu arribada a sa de XXV editzioni chi s’at a fai domìnigu su 9 de ladàmini 2022. Cun sa Festa de su Burgu s’at a fai puru sa de IV editzioni de sa Sagra de su Civraxu, su pani de Seddori. 

Comunu de Gùspini: Su 7 de Meseladàmini a is 6 de a merii (18,00) in su Teatru Murgia nci at a èssiri sa projetzioni de su film “L’ AGNELLO” de Mario Piredda, giòvunu regista sardu. Sa projetzioni dda organizat sa Commissioni Paris Oportunidadis de su Comunu de Gúspini in collabboratzioni cun sa Proloco.

Comunu de Casteddu: Calendàriu de is atòbiu de su 5 a su 28 de mesi de ladàmini chi s’ant a fai in sa Mem, Biblioteca comunali de Pirri, Biblioteca Montevecchio, Biblioteca G.B. Tuveri e in su Polu bibliotecàriu de bia Falzarego. Si inghitzat su mèrcuris su 5 de ladàmini in sa Mediateca de su Mediterràneu (bia Mameli 164): a is cincu e mesu de a merì, Massimo Rassu presentat su libru suu “Ingegneria nuragica”, publicau de NOR. 

Comunu de Casteddu: Atòbius su 7 e 8 de mesi de ladàmini 2022. At a inghitzai cenàbara su 7 de ladàmini 2022 in sa Pratza de su Cramu in Casteddu, sa de ses editzioni de “Cagliari International Wine&Food Festival. S'initziativa, aprontada cun su patrotzìniu de su Comunu de Casteddu, de sa Fundatzioni de Sardigna, de sa Coldiretti Sardigna e de sa Fundatzioni Distretu Sardigna Bio, at a acabai sàbudu 8 a pustis de duas diis de tastaduras, masterclass, cunvegnus, cuncursus e un'asta de benefitzèntzia.